Historyja Alaksandra Lebiedzieva z Homiela atrymała praciah — jaho pačali bulić u praŭładnych kołach
Praŭładnaha aktyvista z Homiela Alaksandra Lebiedzieva mohuć vyklučyć z prałukašenkaŭskaha abjadnańnia «Patrioty Biełarusi» i Kamunistyčnaj partyi. Ab hetym «Fłahštok» daviedaŭsia ad čałavieka, jaki blizka znajomy ź dziejnaściu abjadnańnia.
Tydzień tamu Alaksandra Lebiedzieva zatrymali za padpisku na ekstremiscki resurs, ale ŭ izalatary jon pravioŭ tolki noč. Paśla hetaha vypadku ŭ abjadnańni «Patrioty Biełarusi» zadumalisia ab vyklučeńni Alaksandra z arhanizacyi.
«Jaho vypadak razhladaŭsia jak byccam na kamsamolskim schodzie. Jon staŭ niazručnaj asobaj nie tolki tamu, što adsiadzieŭ za padpisku, a tamu, što pra Sašu napisali apazicyjnyja resursy».
Pakul Alaksandra nie vyklučyli z abjadnańnia. Inšyja aktyvisty zastupilisia za jaho.
«Saša ŭdzielničaje va ŭsich mierapryjemstvach. Šmat ludziej vykazalisia ŭ padtrymku Sašy. Taksama niekatoryja aburanyja, što «patryjotaŭ» zaraz mohuć taksama zatrymać za lubuju padpisku. Ciapier treba praviarać usie hetyja resursy — na što ty padpisany. A Sašu, darečy, zatrymali za padpisku va «UKantakcie».
Taksama stała viadoma, što Alaksandra Lebiedzieva chacieli vyklučyć i z Kamunistyčnaj partyi. Pra heta jon paviedamiŭ svaim siabram z abjadnańnia «Patrioty Biełarusi».
Na siońnia z usich akaŭntaŭ u roznych sacyjalnych sietkach Alaksandra vydalenyja mnohija jaho raniejšyja dopisy. Na jaho staroncy «UKantakcie» źnikła infarmacyja ab tym, što jon člen Kamunistyčnaj partyi.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami18
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary