Armienija ratyfikavała Rymski statut Mižnarodnaha kryminalnaha suda, jaki vydaŭ ordar na aryšt Pucina
Adpaviednaje rašeńnie vynieśli ŭ parłamiencie krainy, paviedamlaje «Mieduza».
Armianskaja apazicyja bajkatavała hałasavańnie: u pryvatnaści, sakratar błoka «Armienija» Acrvik Minasian skazaŭ, što prajekt ratyfikacyi nibyta supiarečyć Kanstytucyi Armienii. Pry hetym Kanstytucyjny sud krainy zajaviŭ dakładna advarotnaje.
Suprać ratyfikacyi Rymskaha statuta MKS vystupili ŭ Rasii — tam pastanovu Armienii na fonie vydadzienych ordaraŭ na aryšt Uładzimira Pucina i Maryi Lvovaj-Białovaj nazyvajuć «nieprymalnaj».
MKS rasparadziŭsia aryštavać Pucina i Lvovu-Białovu sioleta ŭ sakaviku pa padazreńni ŭ niezakonnym pieramiaščeńni ŭkrainskich dziaciej z akupavanych terytoryj.
U Armienii zajaŭlajuć, što ratyfikacyja asnovatvornaha dakumienta Mižnarodnaha kryminalnaha suda źviazanaja z «ahresijaj Azierbajdžana ŭ dačynieńni da Respubliki Armienija» letaś u vieraśni — tady paśla sutyknieńnia na miažy dźviuch krain zahinuli 49 vajskoŭcaŭ Armienii. Akramia taho, ułady krainy ličać, što Azierbajdžan ździejśniŭ vajennyja złačynstvy na terytoryi Armienii.
Jeŭraparłamient u vieraśni zaklikaŭ MKS vydać ordar na aryšt Łukašenki.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary