Nobieleŭski kamitet pamyłkova razasłaŭ infarmacyju pra budučaha łaŭreata premii pa chimii
Šviedskaja karaleŭskaja akademija navuk ranicaj razasłała list, dzie nazvała imiony ŭładalnikaŭ premii pa chimii, abviaščeńnie jakich pavinna być siońnia.
U liście havaryłasia, što ŭznaharoda prysudžanaja «za adkryćcio i sintez kvantavych kropak» navukoŭcam z ZŠA Munhi Baviendzi i Łuisu Brusu, a taksama savieckamu, rasijskamu i amierykanskamu navukoŭcu Alaksieju Jakimavu.
U svaju čarhu Jeva Nievielius, supracoŭnica pres-słužby Šviedskaj karaleŭskaj akademii navuk, paviedamiła SVT News, što rašeńnie ab nobieleŭskich łaŭreatach pakul nie pryniata.
«Adzinaje, što ja mahu skazać, heta toje, što my nie možam kamientavać toje, što adbyłosia, i nijakaha rašeńnia pryniata nie było», — skazała jana.
Jana taksama kaža, što łaŭreat budzie aficyjna abvieščany siońnia ŭ 12.45, jak i płanavałasia, pa Minsku.
Zaŭtra budzie nazvany nobieleŭski łaŭreat pa litaratury. U 2015 hodzie łaŭreatkaj pa litaratury stała biełaruskaja piśmieńnica Śviatłana Aleksijevič.
Čytajcie taksama:
Nobieleŭskuju premiju pa fizicy raździelać try čałavieki
Nazvanyja pieršyja łaŭreaty nobieleŭskaj premii
Nobieleŭskaja premija miru i pa litaratury: na kaho staviać bukmiekiery
-
Śvińnia źjaviłasia i źnikła ŭ telehram-kanale Dźmitryja Miadźviedzieva
-
«Kamunizm — heta sistema-niaŭdačnica, i tak budzie zaŭsiody». Tramp vystupiŭ z pramovaj na śviatkavańni 250‑hodździa niezaležnaści ZŠA
-
Tramp 1 hadzinu i 25 chvilin havaryŭ z Pucinym. Ušakoŭ padkreśliŭ, što Maskva znoŭ hatovaja da pieramovaŭ
Kamientary