Dvuch žycharoŭ Dokšyckaha rajona asudzili za zdymki ŭ «Adnakłaśnikach»
Jak stała viadoma «Viciebskaj viaśnie», 4 kastryčnika sudździa Dokšyckaha suda Viačasłaŭ Jelisiejenka prysudziŭ pa dvanaccać i čatyrnaccać sutak aryštu dvum žycharam Dokšyckaha rajona, jakija pracujuć u miascovych kramach. Žychar horada Dokšycy Dźmitryj Słavuk atrymaŭ 12 sutak aryštu, a žychar haradskoha pasiołka Biahoml Michaił Nadykta — 14 sutak.
Abodvuch mužčyn sudziŭ 4 kastryčnika pa častcy 1 artykuła 24.23 KaAP RB (Parušeńnie paradku arhanizacyi abo praviadzieńnia masavych mierapryjemstvaŭ) adzin i toj ža sumnaviadomy sudździa Viačasłaŭ Jelisiejenka, uklučany ŭ sankcyjny śpis z-za vyniasieńnia palityčna matyvavanych prysudaŭ.
Abodvum mužčynam staviłasia ŭ vinu, što jany biez dazvołu Dokšyckaha rajvykankama byccam praviali adzinočny pikiet z metaj vykazvańnia svaich hramadska-palityčnych intaresaŭ. Pikiet zaklučaŭsia nibyta ŭ tym, što kožny ź ich raźmiaściŭ na svajoj staroncy ŭ sacyjalnaj sietcy «Adnakłaśniki» fotazdymki z vyjavaj nacyjanalnaha bieł-čyrvona-biełaha ściaha i «Pahoniaj». Za heta supracoŭniki Dokšyckaha RAUS zatrymali Słavuka i Nadyktu i skłali na ich pratakoły.
U sudzie mužčyny pryznali svaju vinu, ale ŭsio adno atrymali sutki aryštu — 12 i 14 sutak adpaviedna. Praŭda, mabilnych telefonaŭ u ich dokšycki sud nie kanfiskavaŭ.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam5
Kamientary