11 dzion aryštu prysudzili administratarcy jevanhielskaj carkvy ŭ Lepieli
Vałanciorka i administratarka jevanhielskaj carkvy ŭ Lepieli Volha Madatava była asudžanaja na 11 sutak administracyjnaha aryštu jašče ŭ kastryčniku, paviedamlaje inicyjatyva «Chryścijanskaja vizija». Takoje rašeńnie pryniaŭ sudździa Dźmitryj Vasiuk z suda Lepielskaha rajona.
65-hadovuju Volhu Madatavu zatrymali 21 kastryčnika, a praz dva dni joj prysudzili 11 dzion administracyjnaha aryštu za «niesankcyjanavanaje pikietavańnie» praz sacsietki. Abvinavačanaja nibyta mieła padpisku na supołku z Pahoniaj na avatarcy. Taksama jaje asudzili za «raspaŭsiud ekstremisckich materyjałaŭ» (u pratakole zhadvałasia padabajka pad publikacyjaj «Radyjo Svaboda»).
«Na padstavie č. 1 art. 24.23 KaAP i č. 2 art. 19.11 KaAP sudździa pakaraŭ žančynu na dziesiać sutak pavodle kožnaha artykuła. Šlacham častkovaha składańnia kančatkova vyznačyŭ joj spahnańnie ŭ vyhladzie aryštu na termin 11 sutak», — udakładniaje «Viciebskaja Viasna».
Volha Madatava — viernica jevanhielskaj carkvy, u miascovaj presie jaje zhadvali jak administratarku carkvy. U Lepieli žančynu viedajuć taksama jak vałanciorku, jakaja dapamahała niamohłym i pažyłym ludziam.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam5
Kamientary