Syna palitźniavolenaj Taćciany Kanieŭskaj adpravili na sutki za «ekstremisckija materyjały»
8 listapada ŭ sudzie Centralnaha rajona Homiela sudździa Alesia Vosipava pakarała Alaksandra Kanieŭskaha administracyjnym aryštam na 15 sutak pa č. 2 art. 19.11 KaAP (raspaŭsiud ekstremisckich materyjałaŭ).
U pastanovie suda ŭ vinu Alaksandru staviłasia toje, što «ŭ miesiendžary Telegram šlacham adpraŭki asabistaha paviedamleńnia ažyćciaviŭ raspaŭsiud infarmacyjnaj pradukcyi ŭ vyhladzie artykuła z supolnaściaŭ […], uklučanych u Respublikanski śpis ekstremisckich materyjałaŭ», piša «Viasna».
Alaksandr — syn viadomaj palitźniavolenaj hramadskaj aktyvistki z Homiela Taćciany Kanieŭskaj, jakaja ŭžo treci hod znachodzicca za kratami.
Jana niekalki hadoŭ zmahałasia za źmieny ŭ antynarkatyčnym zakanadaŭstvie ŭ jakaści pradstaŭnicy inicyjatyvy «Matčyn ruch 328». Taćciana źjaŭlałasia inicyjatarkaj haładoŭki maci asudžanych za narkotyki. U parłamienckich vybarach-2019 jana brała ŭdzieł u jakaści kandydatki ŭ deputaty.
Taćciana była davieranaj asobaj Śviatłany Cichanoŭskaj. Jaje zatrymali za try dni da prezidenckich vybaraŭ, 6 žniŭnia 2020 hoda, i vystavili abvinavačvańni pa dvuch artykułach:
- č. 2 art. 293 Kryminalnaha kodeksa — udzieł u masavych biesparadkach
- art. 292 Kryminalnaha kodeksa — zachop budynkaŭ i zbudavańniaŭ
U mai 2021 hoda jaje asudzili na šeść hadoŭ turmy va ŭmovach strohaha režymu.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2222
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?22
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary