Hienštab Ukrainy zajaviŭ, što rasijskija vojski sprabujuć nastupać pa ŭsim froncie
Rasijanie nastupajuć u rajonach Kupianska, Kramiannoj, Bachmuta, Aŭdziejeŭki, Marjinki i Rabocina. Pra heta havorycca ŭ zvodcy Hienieralnaha štaba Uzbrojenych Sił Ukrainy.
Vajskoŭcy zajaŭlajuć, što za sutki na froncie adbyłosia 84 bajavyja sutyknieńni.
U kirunku Kupianska byli adbityja try ataki — u rajonach Sińkoŭki i Pietrapaŭłaŭki.
Pablizu Kramiannoj biespaśpiachovymi z boku rasijan, pavodle Hienštaba USU, byli 12 šturmaŭ — u rajonach Stelmachoŭki, Sierabranskaha laśnictva, Jampołaŭki, Torskaha.
Pad Bachmutam ukrainskija vojski adbili 28 napadaŭ — kala Bahdanaŭki, Ivanaŭskaha, Klaščejeŭki i Andrejeŭki. Adnačasova praciahvajucca šturmy na paŭdniovym fłanhu.
Rasiejcy praciahvajuć sproby atačyć Aŭdziejeŭku, ale niasuć straty. USU adbili 23 šturmy ŭ rajonach Novabachmutaŭki, Biardzičaŭ, Aŭdziejeŭki, Opytnaha, Paŭnočnaha i Tonieńkaha.
Taksama adbityja dzieviać napadaŭ u rajonach Marjinki i Novamichajłaŭki.
U Zaparožskaj vobłaści vorah trojčy kontratakavaŭ kala Rabocina i Novaprakopaŭki.
Ukrainskija złučeńni, pavodle Hienštaba, praciahvajuć nastupalnuju apieracyju ŭ kirunku Mielitopala.
Na levym bierazie Dniapra ŭ Chiersonskaj vobłaści ŭkrainskija padraździaleńni ŭtrymlivajuć płacdarm, źniščajuć tyły praciŭnika i viaduć kontrbatarejnuju baraćbu.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary