«Čarha hruzavikoŭ dasiahnuła krytyčnych adznak». Biełaruskija mytniki narakajuć na niaśpiešnaść zamiežnych kaleh
Čarha hruzavikoŭ u punkcie propusku «Kazłovičy» na biełaruska-polskaj miažy dasiahnuła krytyčnaj zahružanaści. Kala 1000 aŭtamabilaŭ čakajuć vyjezdu ŭ Polšču, paviedamiła pres-słužba Dziaržaŭnaha mytnaha kamiteta.
Mytniki nazyvajuć niekalki pryčyn zahružanaści. Pa-pieršaje, heta nieabchodnaść dla biznesu da kanca hoda zakryć dahavory pa pastaŭkach, a pa-druhoje, pamiežny pierachod «Kazłovičy» zastajecca adzinym dziejnym punktam propusku na biełaruska-polskaj miažy.
Jak udakładnili na mytni, za apošnija sutki polski bok pryniaŭ tolki 700 mašyn z mahčymych 1200, nie pracujučy ŭ poŭnuju siłu. Niaprostaj zastajecca situacyja i na biełaruska-litoŭskaj miažy. Litoŭski punkt propusku «Salečniki» pryniaŭ, maŭlaŭ, tolki 35% transpartu, jaki prybyŭ ź Biełarusi, a punkt «Miedniki» ŭvohule 15%.
U paniadziełak, 4 śniežnia, na 14:00 pa minskim časie ŭjezdu ŭ ES čakali bolš za 3 tys. hruzavych aŭtamabilaŭ.
Kamientary
Hruzavyja punkty propusku zaraz lišnija. Asabliva čyhunačnyja. U ich 2 asnoŭnyja mety - hrošy dla režymaŭ i abychod sankcyj dla režymaŭ