Łukašenka zajaviŭ, što niadaŭna razmaŭlaŭ z kiraŭnikami śpiecsłužbaŭ «usich viadučych krain»
Alaksandr Łukašenka siońnia sustrakajecca z kiraŭnikami orhanaŭ biaśpieki i raźviedvalnych słužbaŭ SND. Tam jon pachvaliŭsia nieviadomaj sustrečaj ź ich zachodnimi kalehami.
«Ja niadaŭna razmaŭlaŭ z vašymi kalehami z usich viadučych krain — kiraŭnikami śpiecsłužbaŭ. Ja im zadavaŭ naŭprost pytańnie: «Vy ad nas čaho chočacie? Vy što, nie viedali, što my z Rasijaj zaklučyli damovu, što ŭ nas samaje ciesnaje vajenna-palityčnaje supracoŭnictva?» — «Voś, vy tam dapamahajecie Rasii…» Ja kažu: «Dapamahajem i budziem dapamahać». My heta ščyra havorym, my nikoli heta nie chavali. Heta naš sajuz», — skazaŭ jon.
Jon znoŭ zajaviŭ, što «ŭ śpinu ruskim biełarusy nie dazvolać stralać praz terytoryju Biełarusi».
«Nam pretenzij vystaŭlać nie treba. U nas palityka transparentnaja, adkrytaja i my zaŭsiody budziem prytrymlivacca takoj palityki. My vymušany abaraniać siabie i dapamahać svaim sajuźnikam. Takaja palityka budzie pravodzicca i ŭ dalejšym», — reziumavaŭ Łukašenka.
Učora kiraŭnik KDB Ivan Cierciel niečakana zajaviŭ, što «niadaŭna ŭ Minsku byli supracoŭniki CRU».
Łukašenka zajaviŭ, što ŭ Biełaruś zakidvajuć nie prosta špijonaŭ, a ahientaŭ-terarystaŭ
Cierciel: Niadaŭna ŭ Minsku byli supracoŭniki CRU i ździvilisia, što narod nie haładaje, a transpart pracuje
Cierciel pałochaje: Siem tak zvanych charuhvaŭ u Polščy rychtujucca da zachopu abjektaŭ i teraktaŭ u Biełarusi
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary