Namieśnik načalnika śledčaha ŭpraŭleńnia Kamiteta dziaržbiaśpieki Kanstancin Byčak zajaviŭ na BT, što śpiecsłužby Ukrainy płanavali zabojstvy biełaruskich dziaržaŭnych dziejačaŭ i praŭładnych žurnalistaŭ.
U siužecie raskazvali pra raniejšych zatrymanych (pakazańni na kamieru ŭ asnoŭnym prymusili davać ukrainca Viačasłava Barodzija), jakich vinavaciać u pracy na SBU.
Byčak prakamientavaŭ, što tak siłaviki spynili dziejnaść sietki ŭkrainskich ahientaŭ, jakija zajmalisia pierakidkaj u Biełaruś vybuchoŭki i zbroi.
«Padčas rasśledavańnia ŭstanoŭlenyja i kanfiskavanyja schovanki z vybuchovymi rečyvami. Atrymanyja danyja pra ich mahčymaje vykarystańnie pry padrychtoŭcy i ździajśnieńni vybuchaŭ na pradpryjemstvach naftapierapracoŭčaj pramysłovaści, padrychtoŭcy ździajśnieńnia zabojstvaŭ dziaržaŭnych dziejačaŭ i žurnalistaŭ», — śćviardžaje Kanstancin Byčak.
Pa dadzienych faktach śledčaje ŭpraŭleńniem KDB raspačało kryminalnuju spravu. Fihurantam inkryminujuć zdradu dziaržavie, ahienturnuju dziejnaść i akt teraryzmu. Pa apošnim artykule moža pahražać śmiarotnaje pakarańnie.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami19
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary