Amal dźvie hadziny išoŭ pieššu ŭ zaviruchu. ANT pajechaŭ raźbiracca z vypadkam u Połacku, kali kanduktarka vysadziła chłopčyka z aŭtobusa
Historyja połackaha školnika Jarasłava, jakoha kanduktarka ŭ zaviruchu vysadziła z aŭtobusa, aburyła biełarusaŭ. Chłopčyk zhubiŭ školnuju daviedku, jakaja dazvalaje jeździć u hramadskim transparcie biaspłatna, a kartka navučenca nie spracavała. Dziciaci pryjšłosia amal šeść kiłamietraŭ iści da domu. Patelefanavać baćkam jon taksama nie zmoh, telefon razradziŭsia. Maci chłopčyka zapisała emacyjnaje videa ŭ tyktoku, paśla čaho da jaje pryjechaŭ dziaržaŭny kanał ANT.
Rezanansnaja historyja adbyłasia 12 studzienia. Dachaty Jarasłavu treba było dabiracca ź pierasadkaj. U pieršym aŭtobusie ŭsio prajšło dobra, a ŭ druhim uźnikli prablemy. Daviedka, pa jakoj jon jašče rankam jechaŭ u škołu, zhubiłasia.
— Mnie skazali, albo płaci albo vychodź, — kaža Jarasłaŭ.
Chłopčyk pasprabavaŭ kupić bilet, ale kartka nie spracavała.
— U vyniku ja vyrašyŭ vyjści, — kaža dzicia.
Na nastupnym prypynku jon pasprabavaŭ sieści ŭ maršrutku. Ale kartki tam nie prymali, tamu pryjšłosia pradoŭžyć šlach.
Karespandent ANT pieššu prajšoŭ šlach Jarasłava — akazałasia, iści treba šeść kiłamietraŭ — dom školnika znachodzicca na ŭskrajku Połacka. Idučy ŭzdoŭž ažyŭlenaj darohi, praz sumioty i bujnuju transpartnuju raźviazku, Jarasłaŭ patraciŭ hadzinu i 40 chvilin. Pa słovach taty školnika, Jarasłaŭ pryjšoŭ dadomu aziabły, napałochany i z mokrymi naskroź čaravikami.
Kanduktarka aŭtaparka №2 Volha Mielničuk, jakaja ŭ toj dzień vysadziła Jarasłava, situacyju navat nie ŭzhadała. Jana sama maci čatyroch dziaciej.
— Była dziažurnaja fraza, što karta niesapraŭdnaja, patrebnaja daviedka i što ŭ škołach pavinny byli rastłumačyć, što hetyja kartki nie pracujuć u aŭtobusie. Nu i ŭsio, — kaža Mielničuk.
Toje, što jana vysadziła chłopčyka, vidavočna školnaha ŭzrostu, z aŭtobusa, jana nie ŭzhadała, i jaje karespanent pra heta nie spytaŭ.
Načalnica ž adździeła aŭtobusnych pieravozak aŭtaparka № 2 Połacka Tamara Skarachodava śćviardžaje, što kanduktary prainstruktavany nakont pasažyraŭ-dziaciej.
— Kanduktary prainstruktavanyja, što jakija b ni byli situacyi, dziaciej nie vysadžvać, — kaža jana.
Pavodle siužeta, viciebskija deputaty jašče letaś padtrymali inicyjatyvu ŭpraŭleńnia adukacyi Viciebskaj vobłaści, kab biaspłatny prajezd školniku harantavała i kartka navučenca.
I rašeńnie nibyta nabyło moc 13 studzienia — jakraz na nastupny dzień paśla vypadku ź Jarasłavam.
U Połacku kanduktarka vysadziła piacikłaśnika z aŭtobusa — dziciaci pryjšłosia iści 5 kiłamietraŭ u zaviruchu
U Žodzinie dźviery aŭtobusa zacisnuli futra piensijanierki, jana zahinuła
Maršrutčyki prosiać dazvolić vazić pasažyraŭ stojačy
Kiroŭcy dvuch biełaruskich aŭtobusaŭ jechali ŭ Litvu biez dazvołaŭ. Paciarpieli i pasažyry
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram2
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary