Udzielnikaŭ hurta «Bi-2» trymajuć na śpiocy ŭ kamiery pad adkrytym niebam
Situacyjaj z «Bi-2» naŭprost kirujuć rasijskija ŭłady, heta pakazalnaja rasprava nad muzykami, jakija nie padtrymlivajuć vajnu.
Pra ŭmovy, u jakich znachodziacca muzykanty, raskazaŭ žurnalist i viadoŭca Doždia Michaił Kozyraŭ.
Pavodle jaho słoŭ, udzielnikaŭ hrupy ŭtrymlivajuć u kamiery pad adkrytym niebam, u ich adabrali srodki suviazi, a taksama nie dali pierakład sudovych dakumientaŭ.
Akramia taho, u kamieru da muzykaŭ pieryjadyčna «padsadžvajuć» ruskamoŭnych «pierahavorščykaŭ», jakija akazvajuć na ŭdzielnikaŭ hurta psichałahičny cisk, pałochajučy nastupstvami ich spravy i namiakajučy na chabary.
«Umovy, u jakich jany ŭtrymlivajucca — zusim žachlivyja. Jany ciapier u adkrytaj kamiery — heta kletka pad piakielnym soncam, tam ciapier 35-40 hradusaŭ śpiakoty. Apošni raz, kali arhanizatara kancerta dapuścili da chłopcaŭ, to jon ubačyŭ zvałku hołych cieł u majtkach, bo ŭsia vopratka pramokła i cieniu nijakaha niama».
Situacyjaj z hurtom «Bi-2» naŭprost kirujuć rasijskija ŭłady, heta pakazalnaja rasprava nad muzykami, jakija nie padtrymlivajuć vajnu, kaža Kozyraŭ.
Ciapier vialikaja kolkaść ludziej, jakija dapamahajuć hrupie, imkniecca pryciahnuć uvahu da situacyi z artystami pa dypłamatyčnych kanałach i ŭ zachodnich ŚMI, padkreśliŭ jon.
25 studzienia muzykaŭ hurta «Bi-2» zatrymali adrazu paśla kancertu na Pchukiecie. Nastupnym dniom sud pryznačyŭ im štraf, jaki jany apłacili na miescy.
Potym ich zatrymała mihracyjnaja palicyja. Muzykaŭ pieravieźli ŭ Banhkok, dzie vyrašajecca pytańnie ab ich znachodžańni ŭ Tajłandzie. Hrupie pahražaje departacyja.
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty5
Kamientary