Mikita Michałkoŭ raskazaŭ, što rasijskich artystaŭ prymušajuć jeździć na Danbas dziela karjery
Kažuć tak: «Davaj ty źjeździ i tady budzieš vystupać na kancertach».
U intervju TASS režysior Mikita Michałkoŭ paviedamiŭ, što niekatorych artystaŭ vymušajuć jeździć u špitali da paranienych va Ukrainie rasijskich vajskoŭcaŭ. Pavodle słoŭ Michałkova, muzykanty robiać heta, kab «pradoŭžyć svaju karjeru» ŭ Rasii, zaŭvažyła «Nastojaŝieje vriemia».
«Niechta jedzie tudy, bo jamu pastavili ŭmovu. I tady takija pajezdki, ja liču, škodnyja. Bo heta niespraviadliva ŭ adnosinach da našych voinaŭ. Ja dumaju, što ŭ hetym vypadku absalutna zhubna načalnikam kazać: «Davaj ty źjeździ i tady budzieš vystupać na kancertach», — skazaŭ režysior.
Jon zaznačyŭ, što niekatoryja vykanaŭcy, sapraŭdy, jeździli ŭ pryfrantavuju zonu pa svajoj inicyjatyvie. Adnym z takich artystaŭ Michałkoŭ nazvaŭ Ryhora Lepsa.
«Jaho nie prymusili, jamu nie skazali «abo-abo», jak mnohim inšym», — dadaŭ Mikita Michałkoŭ.
Raniej niekatoryja ŭdzielniki «hołaj viečarynki» Naści Iŭlejevaj pajechali na Danbas, kab adnavić svaju reputacyju. Naprykład, śpiavak Dzima Biłan u siaredzinie studzienia naviedaŭ dziciačuju balnicu ŭ Daniecku, pryvioz kandycyjaniery ŭ dziciačy centr u Horłaŭcy, zrabiŭ achviaravańnie miascovamu prytułku dla biazdomnych žyvioł, a taksama paabiacaŭ dapamahčy z pratezami ŭdzielnikam bajavych dziejańniaŭ i mirnym žycharam.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?22
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2424
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama24
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary