Adnak zamiest kvietak u im 1600 rubloŭ
Žycharka Bresta Anastasija, jakaja robić bukiety, raźmiaściła ŭ svaim akaŭncie ŭ tyktoku niezvyčajnuju zamovu: jaje paprasili zrabić bukiet z hrošaj. Zamiest kvietak vykarystanyja piacirublovyja banknoty i cukierki, piša Onliner.by.
«Mnohija padumali, što heta padarunak ad chłopca dziaŭčynie na 14 lutaha. Chtości pisaŭ, što dziaŭčynie pašancavała, a chtości chejciŭ i vykazvaŭ mierkavańnie, što jana ź im tolki z-za hrošaj. Ale nie, hety bukiet zamoviła dačka dla svajoj mamy», — patłumačyła nam Anastasija.
Jana skazała, što paśla publikacyi rolika ŭ tyktoku joj napisali piać mužčyn z zapytam na takuju ž zamovu, ale, na žal, jany ź Mienska, a Anastasija pracuje ŭ Breście.
Usiaho na vyrab takoha bukieta Anastasii spatrebiłasia kala šaści hadzin. Šmat času daviałosia patracić na pošuk piacirublovych kupiur u kasach bankaŭ i kaviarniaŭ, a taksama na pošuk «staličnych» cukierak.
«Ja i raniej rabiła bukiety z hrošaj, ale takoj zamovy jašče nie było. Byvała, što zamiest kvietak vykarystoŭvali 300 rubloŭ, maksimum 500 rubloŭ. Ale nie 1600», — adznačyła Anastasija.
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki12
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary