Udava Alaksieja Navalnaha zapisała videazvarot z patrabavańniem vydać siamji cieła palityka.
«Dzieviać dzion, jak Pucin zabiŭ Alaksieja Navalnaha. Ale zabojstva Pucinu padałosia mała, — kaža Julija Navalnaja. — Ciapier jon trymaje ŭ zakładnikach jaho cieła, ździekujecca ź jaho maci, prymušaje jaje pahadzicca na tajemnyja pachavańni, inakš… Inakš, tolki ŭdumajciesia, jany pahražajuć, što zrobiać niešta ź ciełam Alaksieja».
Julija Navalnaja kaža, što Pucin kazyraje vieraj u Boha, demanstruje na kamiery, jaki jon ščyry chryścijanin, jaki navat u Kanstytucyju ŭpisaŭ pałažeńnie ab tym, što prodki nakazali rasijanam vieryć u Boha.
«My i raniej viedali, što pucinskaja viera — heta falšyŭka, ale zaraz my bačym heta jasna, jak nikoli, — kaža jana. — Viera — heta nie pra pacałavać ikonu. Viera — heta pra dabro, pra miłasernaść, pra zbaŭleńnie. I nivodzin sapraŭdny chryścijanin nikoli nie zmoh by rabić toje, što Pucin robić ciapier užo ź miortvym Alaksiejem».
«Toje, što ciapier robić Pucin, — voś nianaviść, — praciahvaje Navalnaja. — Nie, heta navat nie nianaviść — heta niejki satanizm, pahanstva».
Uzhadała Julija i vajnu va Ukrainie, za jakuju, na jaje dumku, Pucinu treba budzie adkazać, «i nie tolki pierad ludźmi».
«Addajcie cieła majho muža. My žadajem, kab jaho adpiavali, a potym pachavali pa-čałaviečamu ŭ ziamli, jak heta pryniata ŭ pravasłaŭi. Addajcie Alaksieja biez umoŭ. Vy katavali jaho žyvoha, a zaraz praciahvajecie katavać jaho miortvaha. Vy ździekujeciesia z reštkaŭ pamierłaha. Niemahčyma ŭžo prydumać bolšaj djabłalščyny Vy parušajecie ŭsiaki zakon: i čałaviečy, i božy», — kaža Julija Navalnaja.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?21
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2323
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama23
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary