Vypadak ź miortvym ciełam, jakoje pierabłytali ŭ Homieli nie ŭnikalny — toje samaje było ŭ Pinsku
Paśla apubličvańnia historyi pra toje, jak u Homieli žyvuju žančynu zaličyli ŭ miortvyja i navat ledź jaje nie «pachavali», taho nie viedajučy, Aljans rasśledavalnikaŭ Biełarusi pry dapamozie «Kibierpartyzanaŭ» daviedaŭsia, što taki vypadak byŭ nie adziny. Inšy padobny zafiksavany ŭ tym ža samym 2021 hodzie ŭ Pinsku.
U vypadku, apisanym homielskim vydańniem «Mocnyja naviny», błytanina z trupam niabožčycy vyjaviłasia niepasredna pierad pachavańniem. U Pinsku ž nieparazumieńnie praciahvałasia jašče daŭžej.
U mai 2021 hoda ŭ morhu Pinskaj centralnaj balnicy pierabłytali trup mužčyny 1958 hoda naradžeńnia. Zamiest jaho z sudova-miedycynskaj ekśpiertyzy Dziaržaŭnaha kamiteta sudovych ekśpiertyz vydali cieła nieviadomaha, tvar jakoha byŭ zabintavany.
Svajaki tady zamovili pasłuhi rytualnaj słužby, paśla čaho niabožčyka pachavali na mohiłkach u Ivanaŭskim rajonie. A toje, što adbyłasia pamyłka i pachavali nie taho, vyjaviłasia ŭžo paśla.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam5
Kamientary