Katalicki arcybiskup aficyjna dazvoliŭ viernikam jeści miasa na śviata 8 sakavika
U piatnicu 8 sakavika, na jakuju prypadaje Mižnarodny žanočy dzień, u Minska-Mahiloŭskaj archidyjacezii ŭdzialajecca dyśpiensacyja (vyzvaleńnie) ad abaviazku ŭstrymańnia ad spažyvańnia miasnych straŭ, paviedamiŭ sajt Catholic.by.
Pavodle normy kanona 1251 Kodeksa kananičnaha prava «Ab dniach pakajańnia», va ŭsie piatnicy hoda, na jakija nie prypadaje ŭračystaść, viernikami pavinna zachoŭvacca ŭstrymańnie ad spažyvańnia miasnych straŭ.
Sioleta na padstavie kanona 87 § 1 mitrapalit minska-mahiloŭski arcybiskup Juzaf Stanieŭski vyzvaliŭ na terytoryi svajoj archidyjacezii ad ustrymańnia ad spažyvańnia miasnych straŭ viernikaŭ, starejšych za 14 hadoŭ, u piatnicu 8 sakavika 2024 hoda.
U toj ža čas adznačajecca, što vierniki, jakija buduć karystacca hetaj dyśpiensacyjaj, pavinny pamalicca ŭ intencyjach Śviatoha Ajca.
Kamientary