Kusturyca abjadnaje siužety «Złačynstva i pakarańnia» i «Idyjota» ŭ adnym filmie
Film atrymaje nazvu «Złačynstva biez pakarańnia».
Režysior Emir Kusturyca abjadnaje siužety ramanaŭ «Złačynstva i pakarańnie» i «Idyjot» Fiodara Dastajeŭskaha ŭ adnoj ekranizacyi. Nastupny film atrymaje nazvu «Złačynstva biez pakarańnia» i budzie źniaty ŭ Sankt-Pieciarburhu i Sibiry, piša RBK.
Kusturyca adznačyŭ, što karcina budzie «kambinacyjaj» dvuch litaraturnych tvoraŭ i moža atrymacca «sacyjalna relevantnym filmam».
U budučyni režysior taksama płanuje prystupić da ekranizacyi ramana Jaŭhiena Vadałazkina «Łaŭr» i źniać film pa tvory Mikałaja Hohala.
Adnak u apošnim vypadku jon pakul jašče nie vyrašyŭ, jakuju kankretna pracu piśmieńnika budzie ekranizavać. «Ci buduć heta «Miortvyja dušy» abo «Apovieść pra toje, jak pasvaryŭsia Ivan Ivanavič ź Ivanam Nikifaravičam», nie viedaju», — skazaŭ Kusturyca.
Režysior taksama raspavioŭ, što ruskaja kultura akazała na jaho vialiki ŭpłyŭ, i nazvaŭ Maskvu najlepšym horadam u śviecie.
Emir Kusturyca — juhasłaŭski i sierbski kinarežysior i akcior, adznačany ŭznaharodami najbujniejšych kinafiestyvalaŭ Jeŭropy, uklučajučy dźvie «Załatyja palmavyja haliny» Kanskaha kinafiestyvalu. Kavaler Ordena Hanarovaha lehijona, zamiežny člen Akademii navuk i mastactvaŭ Respubliki Sierbskaj.
Siarod jaho samych viadomych kinaprac — «Čas cyhan», «Čornaja kotka, bieły kot», «Žyćcio jak cud», «Zapaviet», «Pa Mlečnym šlachu».
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?21
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2020
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama20
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary
darečy nikoli nie razumieŭ jaho filmy
moža, tamu što ŭ mianie duša niaruskaja?))))