Uładzimir Sałaŭjoŭ nazvaŭ biełharadcaŭ, jakija skardziacca na abstreły, žyviołami
Rasijskija ŚMI śćviardžajuć, što na padlocie da Biełharada ŭ noč na 27 sakavika źbili 18 rakiet, vypuščanych ukrainskaj armijaj z rakietnaj ustanoŭki «Vampir».
Pa źviestkach hubiernatara Viačasłava Hładkova, u vyniku adbićcia ataki USU paciarpieŭ adzin čałaviek: u jaho askiepkavyja ranieńni pajaśnicy, jaho špitalizavali. Taksama paškodžany aŭtamabili i žyłyja damy: u ich vybity vokny, pasiečany dachi, fasady i płaty.
Hładkoŭ adznačyŭ, što bolšaść biełharadcaŭ nie ŭchvalili admovu ad pavietranaj tryvohi pa načach, tamu siońnia sirenu ŭklučali znoŭ.
Akramia taho, Hładkoŭ raskazaŭ, što ź Biełharadskaj vobłaści evakujavanyja ŭžo 2,8 tysiačy dziaciej. Pavodle jaho słoŭ, usiaho ŭ zaharadnyja łahiery inšych rehijonaŭ płanujecca vyvieźci kala dzieviaci tysiač dziaciej da kanca hetaha tydnia.
Raniej Uładzimir Sałaŭjoŭ u efiry svajho šou nazvaŭ biełharadcaŭ, jakija skardziacca na abstreły, žyviołami («tvari») i zaklikaŭ ich zatknucca. U adkaz na staroncy šou va «UKantakcie» stali pakidać hnieŭnyja kamientary. Paśla hetaha kamientaryi zakryli, piša Radyjo Svaboda.
Paśla pačatku poŭnamaštabnaha ŭvarvańnia Rasii va Ukrainu rasijskija rehijony — bolš za ŭsich Biełharadskaja vobłaść — rehularna padviarhajucca abstrełam i atakam bieśpiłotnikaŭ. Minabarony Rasii daje spravazdaču ab «spynieńni» ŭkrainskich napadaŭ i paviedamlaje ab źbitych rakietach i dronach nad terytoryjaj Rasii. Jość razbureńni i achviary. U bolšaści vypadkaŭ Kijeŭ hetyja paviedamleńni nie kamientuje.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary