Staličnym miedustanovam nie chapaje śpiecyjalistaŭ roznaha profilu — daktaroŭ ahulnaj praktyki, łabaratornaj dyjahnostyki, renthienołahaŭ, piedyjatraŭ, dziciačych otarynałarynhołahaŭ i traŭmatołahaŭ. Pra heta raskazaŭ staršynia kamiteta pa achovie zdaroŭja Minharvykankama Ihar Jurkievič, paviedamlaje «Minsk-Naviny».
Jurkievič havoryć, što ŭ kožnaj ustanovie situacyja z kadrami adroźnivajecca, ale ŭ cełym bolš za ŭsich patrebnyja piedyjatry i daktary ahulnaj praktyki. Što da piedyjatryi, tut zapatrabavany vuzkija śpiecyjalisty.
U cełym patrebnaść u kadrach u staličnaj achovie zdaroŭja takaja: vakantnyja pasady 2 300 śpiecyjalistaŭ ź siaredniaj miedycynskaj adukacyjaj i 1 300 — z vyšejšaj.
— U Minsku ŭkamplektavanaść (pa fizičnych asobach) miedykami składaje 79%, kaeficyjent sumiaščalnictva — 1,17, — kaža Jurkievič. — Rabotnikami ź siaredniaj miedycynskaj adukacyjaj arhanizacyi achovy zdaroŭja ŭkamplektavany na 74,6%, kaeficyjent sumiaščalnictva — 1,27.
Kamientary
A kali b na adnu staŭku pracavali, a nie na paŭtary, to ličba ŭkamplektavanaści była b jašče mieńšaj.
U kaho dobra z matematykaj, dapamažycie padličyć.
A nie toj, što nam zaraz chłusy ź Minzdrava pakazvajuć. Kali realnym invalidam prosta nie dajuć invalidnaść. I pa papierkach u Minzdrava ŭsio cudoŭna.
Jaŭrei paśla vajny, hienacydu, kancłahieraŭ, pieršym čynam zrabili dobruju miedycynu, kab padniać uzrovień zdaroŭja svajho naroda. Toje samaje treba rabić i nam, paśla vyzvaleńnia ad łukašyzmu.
Zaraz naš narod łukašysty trymajuć ŭ chvorym stanie, kab było mieńš sił dla supraciva. A heta - hienacyd.