Žychar Bresta paŭtara hoda pradavaŭ miescy ŭ čarzie na miažy. Pakul miesca nie kupili padatkovyja inśpiektary
Žychara Bresckaha rajona pryciahnuli da administracyjnaj adkaznaści za niezakonnaje akazańnie pasłuh pa paskoranym prachodžańni dziaržaŭnaj miažy, piša BIEŁTA.
Mužčyna sistematyčna atrymlivaŭ prybytak za akazańnie pasłuh pa dapamozie ŭjezdu pa-za čarhoj u punkt propusku «Brest».
7 sakavika pravodziłasia apieratyŭnaja pravierka z kantrolnaj «zakupkaj». Mužčyna prapanavaŭ supracoŭniku padatkovaj inśpiekcyi pa Bresckaj vobłaści, jaki vystupaŭ patencyjnym zakazčykam, dapamohu ŭ pierasiačeńni biełaruskaj miažy za $170.
«Materyjałami spravy paćvierdžana, što mužčyna sa žniŭnia 2022 hoda pa sakavik 2024 hoda pastajanna znachodziŭsia na terytoryi, prylehłaj da kantrolna-prapusknoha punkta «Varšaŭski most». Na heta ŭkazvali bolš jak 20 tysiač jaho telefonnych złučeńniaŭ z hetaj miascovaści», — źviarnuli ŭvahu ŭ sudzie.
Sud pryznaŭ žychara Bresckaha rajona vinavatym pa č.2 art.13.3 (ažyćciaŭleńnie pradprymalnickaj dziejnaści bieź dziaržaŭnaj rehistracyi) KaAP. Jamu pryznačyli štraf u pamiery 30 bazavych vieličyń — Br1,2 tys.
Sudovaja pastanova nie ŭstupiła ŭ zakonnuju siłu i moža być abskardžana.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary