Pra novyja prablemy sa zdaroŭjem žurnalistki Kaciaryny Andrejevaj napisaŭ u fejsbuku jaje muž Ihar Iljaš.
Pavodle infarmacyi Ihara Iljaša, u kancy krasavika Andrejeva pierachvareła na pnieŭmaniju. Jana była špitalizavanaja, pralažała ŭ sančastcy kałonii 10 dzion. Adnak, na ščaście, pnieŭmanija była tolki ačahovaja, lekary svoječasova dyjahnastavali chvarobu i vielmi adkazna pastavilisia da lačeńnia, tamu Kaciaryna nieŭzabavie ačuniała.
Ale pierad tym, jak zachvareć na pnieŭmaniju, Andrejeva pieraniesła mocny prystup siezonnaj alerhii. Za kratami hetaja prablema, aktualnaja dla žančyny i na voli, rezka abvastryłasia: prystupy robiacca značna bolš pakutlivymi, a śpis alerhienaŭ — šyrejšym.
U vyniku ŭ pačatku krasavika alerhičny aciok pryjšłosia zdymać pry dapamozie ŭkołaŭ (spačatku ŭnutrymyšačna, a potym unutryvienna), bo Kaciaryna zusim nie mahła dychać praz nos.
«U cełym za amal što 3,5 hady źniavoleńnia praz ahulnaje asłableńnie arhanizmu Kacia stała čaściej chvareć na prastudy i pakutavać ad hałaŭnych bolaŭ. U jaje prykmietna pahoršyŭsia zrok — amal niepaźbiežnaja prablema dla tych, chto praciahły čas znachodzicca za kratami», — piša Ihar Iljaš.
30-hadovuju žurnalistku «Biełsata» i palitźniavolenuju Kaciarynu Andrejevu (Bachvałavu) režym Łukašenki pakaraŭ za strym ź minskaj «płoščy Pieramien» 15 listapada 2020 hoda.
U lutym 2021 hoda Andrejevaj prysudzili 2 hady źniavoleńnia pavodle 342 artykuła «za ŭdzieł u dziejańniach, jakija hruba parušajuć hramadski paradak», a ŭ 2022 hodzie, užo padčas adbyćcia pieršaha terminu, znoŭ — 8 hadoŭ i 3 miesiacy pavodle artykuła 356 ab «zdradzie dziaržavie». Sutnaść abvinavačvańniaŭ pa hetaj spravie dakładna nieviadomaja dahetul.
«Z-za alerhičnych reakcyj traplała ŭ sančastku», Kaci Andrejevaj spoŭniłasia 30 hadoŭ
«Zdaroŭje lepšym nie stanovicca: zrok, słych, pačali čaplacca prastudy». Jakija naviny z kałonii ad žurnalistki Kaciaryny Andrejevaj
«Pazł skłaŭsia». Ihar Iljaš prakamientavaŭ hipotezu, jakaja pralivaje śviatło na druhi prysud Kaciarynie Andrejevaj
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY5
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary