Były prezident Manholii zaklikaŭ aryštavać Łukašenku, kali jon prylacić u hetu krainu
Ełbehdorž Cachiahijn, jaki byŭ prezidentam Manholii ŭ 2009-2017 hadach, zaklikaŭ ciapierašnija ŭłady krainy aryštavać Alaksandra Łukašenku, jaki ŭ pačatku červienia naviedaje Manholiju z aficyjnym vizitam.
«Paviedamlajecca, što Łukašenka prybudzie va Ułan-Batar. Manholija źjaŭlajecca ŭdzielnikam Rymskaha Statuta i maje sudździu ŭ Mižnarodnym kryminalnym sudzie. Čakajecca prybyćcio asoby, jakaja ŭčyniła złačynstvy suprać čałaviečnaści.
Spadziajusia, što adpaviednyja miery buduć pryniatyja. Pierad mižnarodnaj supolnaściu Manholija vykanaje svaje jurydyčnyja abaviazacielstvy. Tryumf spraviadlivaści stanie suśvietnaj padziejaj, i heta pryniasie Manholii dobruju reputacyju», — napisaŭ Ełbehdorž Cachiahijn u sacsietcy X.
Dopis hety byŭ raźmieščany manholskim palitykam jak reakcyja na post Paŭła Łatuški pad nazvaj «Łukašenka prynižaje mižnarodnaje pravasudździe».
Łukašienko UB-t buuch surahtaj. Monhoł ń OUEŠ-ijn #RomeStatue-d nehdsen, @IntlCrimCourt-d šüühčtej ułs. #ChünTöröłchtnij esreh hemt chereh üjłdsen etheed irech ń. Zochich bełthelijh chanhasan hedeht itheje. Dełchijn chamtyn nijhemłehijn ömnö chuuliar chüłeesen üürhee bijełüüłž ł taarna.… pic.twitter.com/xCuIXZT9GC
Varta, adnak, adznačyć, što Mižnarodny kryminalny sud, na jaki spasyłajecca eks-lidar Manholii, pakul nie vydavaŭ ordera na aryšt Łukašenki, u adroźnieńnie ad prezidenta Rasii Uładzimira Pucina.
Ełbehdorž Cachiahijn byŭ u svoj čas lidaram prazachodniaj Demakratyčnaj partyi i pieršym paśla padzieńnia kamunizmu lidaram Manholii, jaki nie naležaŭ da postkamunistyčnaj Manholskaj narodnaj partyi.
Darečy, padčas svajho kiravańnia Manholijaj Ełbehdorž Cachiahijn sustrakaŭsia ŭ lipieni 2015 hoda ŭ miežach samitaŭ ŠAS i BRIKS u rasijskaj Ufie z Łukašenkam. Tady jany havaryli pra bliskučyja pierśpiektyvy ekanamičnaha supracoŭnictva.
«Ałkahol paŭpłyvaŭ na jaje rozum»: eks-prezident Manholii vyśmiejaŭ «damu z MZS RF»
«Ja znajšoŭ histaryčnuju kartu Manholii». Eks-prezident Manholii patroliŭ Pucina
Manholski prezident źniaŭsia ŭ navahodnim roliku ŭ roli viasiołaha cyrulnika, Pucina ŭ klipie vystaŭlajuć za dźviery
Łukašenka — prezidentu Manholii: U nas vielmi padobnyja ludzi
Kamientary
PS u Monholii kiška tonka, populizm :))