Pavodle Słužby achovy dziaržaŭnaj miažy, u subotu kala 21:00 pamiežniki pravodzili apieracyju pa pošuku kantrabandystaŭ u navakollach vioski Paŭdryjonis Salečnickaha rajona niedaloka ad miažy ź Biełaruśsiu. Na darozie jany zaŭvažyli aŭtamabil VW Passat. Kali litoŭskija pamiežniki pasprabavali spynić kiroŭcu, toj pavialičyŭ chutkaść.
Pamiežniki pačali pieraśled.
Niepadalok na darozie akazaŭsia jašče adzin pahraničnik u formie. Jak miarkujecca, uciakač pasprabavaŭ jaho źbić. Pa pieršapačatkovych danych, kab paźbiehnuć pahrozy zdaroŭju i žyćciu i dla taho, kab spyniaje uciekača, jaki ŭjaŭlaje niebiaśpieku, pamiežnik zrabiŭ adzin streł z tabielnaj zbroi ŭ šynu aŭtamabila.
Praź niekatory čas aŭtamabil spyniŭsia. Na siadzieńni kiroŭcy byŭ znojdzieny hramadzianin Litvy, śmiarotna paranieny strełam ź pistaleta.
U mašynie znachodzilisia pakavańni ź mierkavana kantrabandnymi cyharetami.
Palicyja pačała dasudovaje rasśledavańnie. Słužba achovy dziaržaŭnaj miažy pravodzić słužbovaje rasśledavańnie hetaha incydentu.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?20
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary
Ale tak nia było, nikoli nia byvaje adpaviedna słovaŭ milicyi.
A ciapier, čytač, prajdzi maralny test. Ci źmienicca tvajo staŭleńnie da zabojstva, kali pamianiać milicyju (pamiežnikaŭ, ja nia znajusia ŭ hatunkach) Letuvy na milicyju RB i naadvarot.
Jak tak, źmienicca, tady... z rešty, varušy ŭžo mazhami, čytač.