U Ofisie Cichanoŭskaj papiaredzili biełarusaŭ pra niebiaśpieku naviedvańnia AAE
Jurydyčnaja kamanda Ofisa Śviatłany Cichanoŭskaj źviarnuła ŭvahu, što niadaŭna pamiž uradami Biełarusi i Abjadnanych Arabskich Emirataŭ padpisana pahadnieńnie ab supracoŭnictvie ŭ halinie biaśpieki i supraćdziejańnia teraryzmu, tekst jakoha źjaviŭsia na Nacyjanalnym pravavym internet-partale. U suviazi z hetym jurysty vykazali rekamiendacyi tym biełarusam, jakim niebiaśpiečna viartacca ŭ Biełaruś.
Jurysty źviartajuć uvahu, što pavodle apošniaha dakładu pravaabarončaj arhanizacyi Amnesty International, AAE aktyŭna vykarystoŭvajuć u nacyjanalnaj praktycy zatrymańni i aryšty niazhodnych z uładami hramadzian. Akramia taho, hetaja dziaržava praciahvaje trymać palityčnych źniavolenych u turmach na padstavie nacyjanalnaha represiŭnaha zakona, jaki dazvalaje biesterminovaje «kansultavańnie ŭ pytańniach baraćby z ekstremizmam».
Takim čynam, nie vyklučana, što hramadzianie Respubliki Biełaruś taksama mohuć być zatrymanyja ŭ AAE «dla kansultacyj» i dalej vydadzienyja ŭ Biełaruś.
Na hety momant, praŭda, padpisany dakumient praduhledžvaje tolki «abmien vopytam i infarmacyjaj» pamiž Biełaruśsiu i AAE. Adnak nie varta zabyvacca: ułady Emirataŭ aktyŭna karystajucca praktykaj pošuku «vorahaŭ» za miažoj z nastupnaj departacyjaj na radzimu. Naprykład, u kancy 2023 hoda ŭ AAE pačaŭsia novy masavy sudovy praces nad 84 abvinavačanymi ŭ spravach, źviazanych z «ekstremizmam».
Akramia taho hramadzianie Biełarusi majuć prava ŭjazdžać, vyjazdžać i ruchacca tranzitam praz terytoryju AAE, a taksama znachodzicca na hetaj terytoryi bieź viz na praciahu 90 dzion z daty ŭjezdu. Dziela taho ŭłady Abjadnanych Arabskich Emirataŭ mohuć «upuścić» čałavieka ŭ krainu i bieź jahonaj zhody, kali jon znachodzicca ŭ tranzitnaj zonie. Tym bolš takija prykłady ŭžo byli na praktycy ŭ niedemakratyčnych krainach — naprykład, u Rasii.
Tamu jurydyčnaja kamanda Ofisa Śviatłany Cichanoŭskaj zaklikaje biełarusaŭ admovicca ad pajezdak u AAE pa lubych pryčynach — asabliva kali jany aścierahajucca palityčna matyvavanaha pieraśledu na radzimie. Taksama nie rekamiendujecca razhladać aeraporty hetaj krainy ŭ jakaści tranzitnaj pierasadki.
Kamientary
Prasavać traktary na futbolnych hulniach i z dapamohaj staroha dobraha tavaryša Naŭsiedy taksama
Da kaho adrasavana hetaja zajava kamandy Ofisa Śviatłany Cichanoŭskaj?