Papularnyja preparaty Ozempic i Wegovy spravakavali zusim niečakany efiekt u žančyn
Źviazana heta ź ciažarnaściu.
Papularnyja ŭ śviecie injekcyjnyja preparaty dla pachudzieńnia i baraćby z dyjabietam Ozempic i Wegovy niečakana spryjajuć ciažarnaści ŭ žančyn. Pryčym źjavilisia vypadki, kali ciažaryli, niahledziačy na supraćzačatkavyja leki ci navat dyjahnastavanuju biaspłodnaść.
Ab hetym piša navukovy časopis Nature.
Na hety momant navukoŭcy razhladajuć niekalki tłumačeńniaŭ, jak takoje stała mahčymym. Pieršyja ekśpierymienty pakazali, što ŭviadzieńnie hlukanapadobnaha pieptyda-1 (GLP-1, harmon kišečnika, jaki zabiaśpiečvaje sintez insulinu ŭ arhaniźmie i adkazvaje za pačućcio nasyčeńnia), jakoje adbyvajecca padčas pryjomu preparataŭ Ozempic i Wegovy, mocna źnižaje ŭpłyŭ kantraceptyvaŭ.
Kali sumiaščać preparaty dla pachudzieńnia razam z supraćzačatkavymi lekami, to efiekt ad apošnich źnižajecca da 66% paśla adnarazovaha pryjomu Ozempic ci Wegovy, bo harmon GLP-1, jak akazałasia, zdolny stymulavać u arhaniźmie vypracoŭku luteinavaha harmonu, jaki ŭpłyvaje na avulacyju, vyśvietlili navukoŭcy.
Dalejšyja ekśpierymienty na pacukach nablizili daśledčykaŭ da tłumačeńnia raptoŭnaha źjaŭleńnia fiertylnaści ŭ biaspłodnych žančyn. Pavodle adnoj z hipotez, adnaŭleńnie mietabaličnaha zdaroŭja biaspłodnych žančyn z pryčyny pryniaćcia preparataŭ dla pachudzieńnia mahło narmalizavać harmanalny bałans u ich arhaniźmie i tym samym adradzić rehularnuju avulacyju.
«Choć pacuki i nie źjaŭlajucca ludźmi, ale ŭ ich jość mienstrualnyja cykły z fazami, anałahičnymi fazam u ludziej. Nam jašče nieviadomy dakładny miechanizm adnaŭleńnia fiertylnaści i stupień upłyvu na jaho z boku GLP-1, ale my amal upeŭnieny, što suviaź jość.
My ŭsie čakajem vynikaŭ nastupnych ekśpierymientaŭ, zataiŭšy dychańnie», — pryznalisia daśledčyki.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?23
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2626
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama26
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary