Padalak pra zajavy Łukašenki ab kancentracyi ŭkrainskich vojskaŭ la biełaruskaj miažy: Źmienaŭ niama
Daradca Ofisa prezidenta Ukrainy adkazaŭ na abvinavačvańni i pahrozy Łukašenki.
U efiry «DW Biełaruś» Michaiła Padalaka paprasili prakamientavać zajavy biełaruskich uładaŭ ab kancentracyi ŭkrainskich padraździaleńniaŭ na miažy ź Biełaruśsiu i abvinavačańni Kijeva ŭ pravakacyjach.
«Źmienaŭ apieratyŭnaj abstanoŭki [na miažy] niama. Nijakich istotnych pieradysłakacyj nie adbyvajecca», —
adkazaŭ Padalak i dadaŭ, što aficyjny Minsk ź pieryjadyčnaściu raz u try-šeść miesiacaŭ vychodzić z padobnymi zajavami.
Ale ŭkrainski bok, pa słovach daradcy Ofisa prezidenta Ukrainy, źviartaje ŭvahi na ŭsie padobnyja zajavy i analizuje ich. «Naša raźviedka aktyŭna pracuje. My adsočvajem, što adbyvajecca z prasoŭvańniami rasijskich častak, jakija tam prachodziać treninhi, prasoŭvańniami biełaruskich častak. My nie zabyvajemsia, što tam jość reštki tak zvanaj hrupy «Vahniera». (…)
My nie vyklučajem taho, što Biełaruś moža praciahvać rabić takoha rodu pravakacyjnyja zajavy».
Adnosna zajavy Łukašenki ab pryviadzieńni biełaruskich i rasijskich vojskaŭ na terytoryi krainy ŭ stan pavyšanaj bojehatoŭnaści i pieramiaščeńni «Pałanezaŭ», Padalak zaŭvažyŭ, što takija zajavy naŭrad ci možna razhladać jak padrychtoŭku da vajennaj łahistyki. Ale ich možna ŭsprymać jak adzin elemientaŭ cisku na Ukrainu z boku Rasii:
«Jany pastajanna havorać: «Davajcie my budziem prymušać Ukrainu da kapitulacyi za košt hetych zajavaŭ». Davajcie tak: vy spyniajecie ahoń, my nie spyniajemsia z vami vajavać, pakul nie zafiksujem, jak jany havorać, «realii na ziamli».
Adpaviedna, kab stvarać maksimalny cisk, pieryjadyčna vykarystoŭvajecca biełaruski kampanient. Jany pieryjadyčna adkryvajuć artyleryjskija stvały, kab pakazać, što jany ŭ ich majucca».
Łukašenka: Paśla abvastreńnia stanovišča na miažy ŭ vajenkamaty źviarnulisia tysiačy dobraachvotnikaŭ
«Situacyja składanaja» — Pavieł Muraviejka prakamientavaŭ stanovišča na paŭdniovych rubiažach
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Minabarony adpraviła «Pałanezy» na prykryćcio miažy VIDEA
«Standartny nabor ahresara». U Ofisie Zialenskaha prakamientavali «mirny płan» Pucina
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu3535
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu35
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3333
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było33
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary