Milinkievič raskazaŭ, kolki pracentaŭ hałasoŭ nabraŭ na vybarach 2006 hoda
«Było adčuvańnie, što nas padtrymlivaje vielizarnaja kolkaść ludziej».
Pa aficyjnych vynikach prezidenckich vybaraŭ 2006 hoda adziny kandydat ad apazicyi Alaksandr Milinkievič atrymaŭ 6% hałasoŭ pa krainie i 10% u Minsku.
U novym vypusku TOKu, adkazvajučy na pytańnie, kolki ž sapraŭdy jon nabraŭ hałasoŭ, Milinkievič spasłaŭsia na vyniki ekzit-połaŭ, jakija ŭ toj čas pravodzilisia jak rasijskimi, tak i biełaruskimi daśledčykami. Palityk miarkuje, što nabiraŭ ad 20% da 25% hałasoŭ.
«Zrazumieła, što ja nie moh vyjhrać, ale heta vydatny vynik jak na tyja časy z tymi abmiežavańniami, jakija byli», — ličyć były eks-kandydat u prezidenty i dadaje, što momantami jaho kamandzie zdavałasia, što jon moža pieramahčy.
Pa słovach palityka, tady ŭłady ŭ bolšaści haradoŭ dazvolili pravieści sustrečy z vybarščykami. Jany prajšli ŭ vialikich pamiaškańniach, jakija byli całkam zapoŭnienyja.
«U nas było adčuvańnie, što nas padtrymlivaje vielizarnaja kolkaść ludziej. My ŭsio ž byli siarod svaich ludziej, adnadumcaŭ, prademakratyčnych, prabiełaruskich, prajeŭrapiejskich. I momantami było pačućcio, što my možam», — zhadvaje Milinkievič i dadaje, što na vyniki vybaraŭ, akramia asoby kandydata, značny ŭpłyŭ akazvaje stan hramadstva, jaho adnosiny da taho, što prapanuje kandydat.
«Nas padtrymała moładź, bolš adukavanyja, bolš pradprymalnickija ludzi. Chutčej, ludzi haradoŭ, čym viosak», — dadaje były eks-kandydat.
Hladzicie całkam:
Milinkievič: Praz 10 hod paśla Płoščy Kalinoŭskaha ja zrazumieŭ, što narodnaja revalucyja ŭ Biełarusi niemahčymaja. Pakul što
«Niebiełaruskija siły sprabujuć adchilić Cichanoŭskuju z dapamohaj Kaardynacyjnaj rady» — Milinkievič
«I pierad Zachadam, i pierad nami paŭstanie maralny vybar: ci siadać z dyktaturaj za stoł pieramoŭ» — Milinkievič
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary