Paśla zamachu na Trampa žančyny-ahienty Sakretnaj słužby stali abjektam krytyki
Sakretnaja słužba ZŠA paśla zamachu na Donalda Trampa 13 lipienia stała mišeńniu dla mizahinistyčnych napadak u sietcy. Aŭtary kamientaroŭ raskrytykavali palityku roŭnaści i raznastajnaści pry najmie ŭ viedamstva, nazvaŭšy jaje adnoj z pryčyn pravalnych dziejańniaŭ sakretnaj słužby na pieradvybarnym mitynhu ŭ Piensilvanii, piša «Chołod».
«U Sakretnaj słužbie nie pavinna być žančyn», — napisaŭ u sacsietcy X viadomy kansiervatyŭny kamientatar Met Uołš, apublikavaŭšy videa z tryma žančynami-ahientami, jakija ŭsadžvajuć Trampa ŭ aŭtamabil adrazu paśla niaŭdałaha zamachu na jaho.
There should not be any women in the Secret Service. These are supposed to be the very best, and none of the very best at this job are women.
pic.twitter.com/LH3fa6FVhl
«Jany pavinny być lepšymi, ale siarod lepšych na hetaj słužbie niama žančyn», — dadaŭ jon.
U svaju čarhu, uładalnik sacsietki X miljarder Iłan Mask napisaŭ, što žančyny ŭ achovie byłoha prezidenta zanadta «maleńkija», kab u vypadku niebiaśpieki zakryć jaho ad kul, i byli naniatyja na słužbu nie za svaje prafiesijnyja jakaści.
A inviestar-miljarder Bił Akman zajaviŭ, što palityka inkluziŭnaści, roŭnaści i raznastajnaści pry najmie ŭ Sakretnuju słužbu stała adnoj z pryčyn pravału viedamstva pry zabieśpiačeńni achovy Trampa.
«Voś, što zdarajecca, kali vy daručajecie pracu nie lepšym ź lepšych», — prakamientavaŭ toje, što adbyłosia na pieradvybarčym mitynhu Trampa ŭ Piensilvanii kanhresmien-respublikaniec Cim Bierčet.
Jon adznačyŭ, što dyrektar Sakretnaj słužby Kimbierli Čytł aktyŭna prasoŭvaje palityku inkluziŭnaści, roŭnaści i raznastajnaści i abiacała da kanca dziesiacihodździa davieści dolu žančyn-ahientaŭ u viedamstvie da 30%.
Jak adznačaje FT, Bierčet uvachodzić u skład Kamiteta pa nahladzie Pałaty pradstaŭnikoŭ, pierad jakim Čytł daviadziecca davać spravazdaču z nahody ździejśnienaha na Trampa zamachu.
U svaju čarhu, prychilniki inkluziŭnaści i raznastajnaści ŭ kadravym składzie siłavych struktur vykazali zaniepakojenaść padobnaj rytorykaj kamientataraŭ.
«Ludzi adčuvajuć siabie ŭ bolšaj biaśpiecy, kali ich šmat, i čym bolš takich ludziej, jak Cim Bierčet, kažuć rečy, jakija vidavočna zjaŭlajucca žančynanienaviśnickimi i sieksisckimi, tym bolš tych, chto adčuvaje, što padobnyja vykazvańni syduć z ruk i im», — zajaviła vieteran słužby ŭ CRU z 34-hadovym vopytam Džyna Bieniet. Jana dadała, što padobnyja vykazvańni sadziejničajuć ciarpimaści ŭ hramadstvie da prajaŭ sieksizmu, rasizmu, žančynanienaviśnictva.
Niamiecki žurnalist cynična pažartavaŭ ab zamachu na Trampa
Šaniec — adzin na miljon: kula, jakaja lacieła ŭ Trampa, trapiła na fota
Tramp upieršyniu źjaviŭsia na publicy ź pieraviazanym vucham paśla strełaŭ u Piensilvanii FOTA
Paśla zamachu na Trampa akcyi jaho kampanii ŭźlacieli na 77%
Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask
Kamientary