Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii
Natalla Levaja zvolniłasia z kampanii Playtika u Polščy i vyrašyła viarnucca na radzimu.
Ilustratarcy Natalli Levaj 38 hadoŭ. Rodam jana z Bresta, u 2009-m skončyła Brescki dziaržaŭny ŭniviersitet pa śpiecyjalnaści «Vyjaŭlenčaje mastactva i narodny promysieł». Pajšła pracavać ilustrataram u IT — spačatku ŭ kampaniju Synesis, a 2012-m u Playtika — bujnuju kampaniju, jakaja raspracoŭvaje mabilnyja hulni.
Natalla pracavała tam 2D-mastakom i mastakom-pastanoŭščykam. Heta davoli vysokaja pasada, jakaja dobra apłačvajecca. Imavierna, paśla pačatku vajny jana vyjechała ŭ Polšču.
Čałaviek, znajomy ź situacyjaj, napisaŭ u sacsietkach, što dziaŭčyna zvolniłasia z pracy ŭ śniežni 2023-ha i vyrašyła jechać u Biełaruś. Kalehi adhavorvali Natallu, ale jana skazała, što mocna sumuje pa radzimie dy ŭžo spłaciła ŭ kratnym pamiery danaty za 2020-y i maje papieru ad KDB.
Natallu zatrymali na miažy. Źviestki pra achviaravańni mahli znajści ŭ jaje bankaŭskaj prahramie, asabistych pierapiskach, prahramie dla kupli kryptavalutaŭ, fota ci pamiaci telefona… karaciej, amal litaralna dzie zaŭhodna. Mahčyma, heta byli nie tyja danaty, jakija jana «kampiensavała» KDB.
Sud nad Levaj skončyŭsia 17 lipienia ŭ Bresckim haradskim sudzie. Jaje vinavacili pa troch artykułach — «finansavańnie vajny» (č. 2 art. 361-3 KK), «finansavańnie ekstremisckaha farmiravańnia» (361-2 KK u staroj redakcyi) i «finansavańnie ekstremisckaj dziejnaści» (č. 2 art. 361-2 KK).
Toje, što sud adbyŭsia mienavita nad Natallaj, my dadatkova paćvierdzili z dapamohaj prajekta DIT i bazaŭ «Kibierpartyzanaŭ».
Pa źviestkach, jakija publikuje «Viasna», spasyłajučysia na prakuraturu, Levaja pieraviała na bankaŭskija rachunki i virtualnyja kašalki, jakija znachodzilisia ŭ karystańni pradstaŭnikoŭ ekstremisckich farmiravańniaŭ, u tym liku Pałka Kalinoŭskaha, nie mienš za 4400 rubloŭ».
Prysud dziaŭčynie — 6 hadoŭ kałonii sa štrafam 40 tysiač rubloŭ.
«Naša Niva» — bastyjon biełaruščyny
PADTRYMAĆCiapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram11
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Pašpartu novaj Biełarusi jak nie było tak i niama.
Krainy Jeŭraźviazu davać abaronu za "prostyja danaty" nie žadajuć.
Dziakuj palitykam.