Na raźvitańni z ksiandzom Zavalniukom adklučyli tranślacyju. Što tam było?
Padčas śviatoj imšy parafii Śviatoha Symona i Śviatoj Aleny ŭ minskim kafiedralnym kaściole 28 lipienia, kali vierniki raźvitvalisia sa zvolnienym probaščam ksiandzom Uładzisłavam Zavalniukom, anłajn-tranślacyja, jakaja zaŭsiody viadziecca ŭ chramie, była adklučanaja. Paśla zakančeńnia imšy tranślacyju znoŭ uklučyli. Što adbyvałasia ŭ hety čas, vydańnie Katolik.life spytała ŭ udzielnikaŭ imšy.
Hetuju raźvitalnuju imšu celebravaŭ ksiondz Uładzisłaŭ Zavalniuk razam z novapryznačanym probaščam parafii Čyrvonaha kaścioła ksiandzom Franciškam Rudziem. Mitrapalita Minska-Mahiloŭskaha arcybiskupa Juzafa Stanieŭskaha na joj nie było.
«Była zvyčajnaja imša, bieź siurpryzaŭ. Ksiondz Uładzisłaŭ nijakich zajaŭ nie rabiŭ. Kali imša skončyłasia, śviatary pajšli, ale my čakali, što probašč vyjdzie da nas, skaža raźvitalnaje słova. I jon vyjšaŭ, byli doŭhija avacyi. Skazaŭ, što prymaje volu ijerarcha, što treba dalej rabić Božyja spravy. Naprykancy pacisnuŭ ruku novamu probašču», — havoryć viernik.
Pavodle jaho, ksiondz Uładzisłaŭ Zavalniuk dobra trymaŭsia, uśmichaŭsia, pry hetym było vidać, što ŭ jaho prykra na sercy, ale jon staraŭsia hetaha nie pakazvać.
«Klučavyja pytańni nie prajaśnilisia. Nichto nie paćvierdziŭ, što ksiondz Uładzisłaŭ padavaŭ prašeńnie ab zvalnieńni, i sam jon kazaŭ u pryvatnych razmovach, što hetaha nie rabiŭ. Ci zastaniecca jon u parafii, dzie budzie słužyć — na hetyja pytańni nam nie adkazali.
Abviaścili jahonaje novaje pryznačeńnie — kaardynatar bieatyfikacyjnaha pracesu Edvarda Vajniłoviča. Ale nie patłumačana, ci budzie niejki ofis, za jakija srodki rabić hetu dziejnaść, pra piensiju, pra srodki na žyćcio ničoha nie skazana».
«Chvała Jezusu Chrystu!» — takimi słovami śviatar raźvitaŭsia z parafijanami.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu4848
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu48
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3636
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było36
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary