Abvinavačany ŭ zabojstvie i razboi ŭ minskim punkcie abmienu valut pryhavorany da 24 hadoŭ kałonii
Abvinavačany ŭ žorstkim zabojstvie i razboi ŭ staličnym punkcie abmienu valut u 2009 hodzie pryhavorany da 24 hadoŭ kałonii, pieradaje BIEŁTA.
U śniežni 2009 hoda 49-hadovy Alaksandr Dudarčyk trapiŭ u pamiaškańnie punkta abmienu valut i nie mienš za 19 razoŭ udaryŭ nažom bankaŭskuju rabotnicu.
Paciarpiełaja — 20-hadovaja Taćciana Piatrova — pamierła na miescy.
Abvinavačany zavałodaŭ hrašyma banka ŭ bujnym pamiery ŭ sumie nie mienš jak 32 młn niedenaminavanych rubloŭ, što na momant złačynstva skłała bolš za 940 bazavych vieličyń.
Klučavoj začepkaj da raskryćcia rezanansnaj kryminalnaj spravy ab zabojstvie i razboi stała hienietyčnaja ekśpiertyza.
Dziaržaŭny abvinavaŭca paprasiła dla mužčyny 24 hady pazbaŭleńnia voli ŭ kałonii ŭzmocnienaha režymu. «Vina Dudarčyka ŭ zabojstvie z asablivaj žorstkaściu i razboi całkam dakazanaja», — zajaviła dziaržaŭny abvinavaŭca.
U sudzie vystupiła i maci zabitaj dziaŭčyny, jakaja paprasiła sud pry pryznačeńni pakarańnia Dudarčyku ŭličyć, što jon pa-źviersku pazbaviŭ žyćcia jaje dačku.
U svaju čarhu advakat Dudarčyka, vystupajučy ŭ sprečkach, pierakonvaŭ sud u tym, što ŭ abvinavačanaha nie było namieru zabivać dziaŭčynu.
Pa słovach abaroncy, Dudarčyk nie schilny da hvałtoŭnych dziejańniaŭ i jaho ŭ peŭnaj stupieni spravakavała toje, što achviara prajaviła śmiełaść i akazała supraciŭ.
«Jon uśviedamlaje žach ździejśnienaha», — skazała advakat.
Mužčynu zatrymali, kali jon išoŭ na pracu, amal praz 15 hadoŭ.
Z ulikam pradstaŭlenych dokazaŭ abvinavačanamu pryznačana pakarańnie ŭ vyhladzie pazbaŭleńnia voli na termin 24 hady z adbyvańniem u papraŭčaj kałonii va ŭmovach uzmocnienaha režymu.
Sud taksama spahnaŭ kampiensacyju maralnaj škody na karyść paciarpiełych — baćkoŭ zabitaj dziaŭčyny — u ahulnaj sumie 100 tysiač rubloŭ.
Ciapier čytajuć
Ci zakryjuć Jeŭropu dla biełarusaŭ? Daradca Cichanoŭskaj raspavioŭ, pra što damoviŭsia ŭ Bierlinie5
Kamientary