Jon staŭ hiendyrektaram firmy, jakuju vyratavali ad bankructva.
29 lipienia ŭ Ekanamičnym sudzie Minska prajšło čarhovaje pasiadžeńnie pavodle spravy ab bankructvie kampanii «Trajpł». Na im antykryzisnaha kiraŭnika vyzvalili ad abaviazkaŭ. Heta vynikaje z rašeńnia suda, apublikavanaha ŭ adzinym Dziaržrejestry źviestak ab bankructvie, piša «Lusterka».
Niezadoŭha da hetaha, 1 lipienia, uładalnik firmy Juryj Čyž ustupiŭ na pasadu hiendyrektara. Paśla hetaha antykryzisny kiraŭnik pieradaŭ jamu ŭsiu dakumientacyju i piačatki.
Ciapier dola ŭ 66,5% hetaj kampanii naležyć Juryju Čyžu, pa 16,75% — Michaiłu Mamijašvili i «Trajpłu», vynikaje sa źviestak adzinaha dziaržrehistratara jurydyčnych asob. Kab vyratavać svaju častku impieryi z tryccacihadovaj historyjaj, Čyžu pryjšłosia navat sudzicca z synami.
17 maja ŭ sudzie spynili vytvorčaść pavodle spravy ab ekanamičnaj niepłaciežazdolnaści «Trajpła». Tady ahulny pamier niepahašanych patrabavańniaŭ kredytoraŭ, uklučanych u rejestr patrabavańniaŭ daŭžnika, składaŭ 137,3 młn rubloŭ. U toj ža čas pamier aktyvaŭ kampanii aceńvalisia ŭ 147,2 młn, heta značyć było vyšej daŭhoŭ.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik23
Kamientary