Były futbalist nacyjanalnaj zbornaj napaŭ na pradstaŭnika apazicyi.
Padčas pasiadžeńnia tureckaha parłamienta deputat Ałpaj Azałan, jaki pravioŭ 98 matčaŭ za nacyjanalnuju zbornuju i hulaŭ za «Biešyktaš», «Fienierbachče», «Astan Viłu» i «Kioln», napaŭ na Achmieda Šyka z «Rabočaj partyi Turcyi».
Azałan paśpieŭ udaryć Šyku kułakom pa tvary, paśla čaho da ich padbiehli inšyja parłamientaryi, paviedamlaje Bild.
Sam Ałpaj Azałan pradstaŭlaje ŭ parłamiencie kiroŭnuju Partyju spraviadlivaści i raźvićcia (PSR).
Jahony kanflikt z Šykam razhareŭsia padčas abmierkavańnia pastanovy ab viartańni deputackaha mandata pravaabaroncu Džanu Atałaju. Apošni adbyvaje 18-hadovy turemny termin za ŭdzieł u «akcyjach i demanstracyjach pa źviaržeńni režymu», adnak niahledziačy na heta jon udzielničaŭ u vybarach u parłamient ad Rabočaj partyi Turcyi.
Padčas svajho vystupu Šyk raskrytykavaŭ urad Turcyi, što nie spadabałasia Azałanu.
«Niadziŭna, što vy nazyvajecie Atałaja terarystam. Usie hramadzianie pavinny viedać, što samyja hałoŭnyja terarysty hetaj krainy — tyja, chto siadzić na hetych kresłach», — skazaŭ Šyk z parłamienckaj trybuny.
Paśla napadu Azałana deputataŭ tureckaha parłamienta nie mahli supakoić na praciahu prykładna paŭhadziny.
Niekalki deputataŭ, siarod jakich byli i žančyny, atrymali traŭmy, na padłozie zały pasiadžeńniaŭ zastałasia kroŭ. Paśla hetaha adbyłosia hałasavańnie, u vyniku jakoha pradstaŭniki PSR adchilili prapanovu apazicyi viarnuć mandat Atałaju.
Kamientary