Viadoŭca BT raskazaŭ, jak jaho prymusili admovicca ad biełaruskaha proźvišča. I karjera palacieła pad adchon
«Kali pierajšoŭ na svajo proźvišča, ja jak byccam staŭ samim saboj, pačaŭ adčuvać hlebu pad nahami», — kaža Dzianis Pacevič.
Viadučy šou «Dobry viečar» Dzianis Pacevič pryjšoŭ u studyju prahramy «Skažiniemołči» na telekanale «Biełaruś 1». Dzianis, jaki ŭ svoj čas staŭ finalistam pieršaha siezona «Faktor.by», spyniŭsia na toj častcy svajoj bijahrafii, kali jon u jakaści śpievaka vystupaŭ pad psieŭdanimam: Dzianis Dziamidaŭ, piša «Kamsamołka».
— Kampazitar Siarhiej Suchamlin. Jašče da taho, jak ja pracavaŭ u «Pieśniarach», my ź im zapisali try pieśni, potym mianie zaprasili ŭ «Pieśniary»… ja pryjšoŭ da jaho, kažu: «Siarhiej, treba solnuju karjeru mnie rabić!» My zapisali ź im niekalki piesień.
Jon kaža: «Dzianis Pacevič — heta pa-biełarusku. Treba niešta … Nu, niezvyčajnaje». Ja pačaŭ pierabirać roznyja proźviščy, praź niekatory čas prychodžu da jaho i kažu: «Dzianis Dziamidaŭ — narmalna?». Jon kaža: «Dobra hučyć!» Voś. Heta jaho inicyjatyva.
Artyst uspomniŭ, što na «Ch-Faktar» jaho zapisali pa pašparcie — Dzianis Pacevič.
— Ale ja vam bolš skažu. Kali ja pierajšoŭ na «Pacevič», na proźvišča svajo, u mianie ŭsio papiorła. Ujaŭlajecie!? Jak byccam ja pierakryŭ rod svoj, kali byŭ psieŭdanim.
«Vy viedajecie, ja vyvučaŭ, što takoje — siła rodu. Rod nam usim dapamahaje, my pavinny jaho prasłaŭlać, nie važna, jakija byli ŭ rodzie ludzi. Jany, moža, zabłytalisia, ale ŭ nas jość šaniec zrabić lahčej im tam. I vyciahnuć u cełym rod», — vykazaŭ svoj punkt mierkavańnia Dzianis.
Pierajšoŭšy na proźvišča Dzianis Dziamidaŭ, ličyć viadučy, jon pierakryŭ dapamohu svaich prodkaŭ.
— I ja analizavaŭ, navat razmaŭlaŭ sa svajoj žonkaj, z mnohimi ludźmi. Mahčyma, u toj momant pradstaŭniki majho rodu pakryŭdzilisia na mianie. I ŭ mianie ničoha nie atrymlivałasia ŭ toj momant. Usio pakaciłasia, u biznesie, u pracy ničoha nie było, u siamji było ŭsio nie tak. Kali pierajšoŭ na svajo proźvišča, ja jak byccam staŭ samim saboj, pačaŭ adčuvać hlebu pad nahami, — kanstatavaŭ Dzianis.
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak28
Kamientary