Asudžanaha na 15 hadoŭ błohiera Uładzimira Cyhanoviča buduć sudzić čaćviorty raz
5 vieraśnia ŭ sudzie Mazyrskaha rajona Uładzimira buduć sudzić za «niepadparadkavańnie».
Uładzimir — błohier, aŭtar youtube-kanała MozgON. U źniavoleńni palitviazień znachodzicca ŭžo bolš za try hady — jaho zatrymali 9 červienia 2020 hoda.
Cyhanoviča abvinavacili pavodle dvuch artykułaŭ Kryminalnaha kodeksa: č. 1 art. 293 KK (arhanizacyja masavych biesparadkaŭ) i č. 3 art. 130 KK (raspalvańnie sacyjalnaj varožaści). 14 śniežnia 2021 Uładzimira asudzili pa «spravie Cichanoŭskaha» da 15 hadoŭ kałonii, piša «Viasna».
Spačatku palitviaźnia nakiravali adbyvać termin u viciebskuju kałoniju №3, ale praz paŭhoda Uładzimiru ŭzmacnili pakarańnie i pieraviali z kałonii na turemny režym terminam na try hady. Viasnoj 2023-ha hoda suprać Uładzimira zaviali kryminalnuju spravu za «złosnaje niepadparadkavańnie patrabavańniam administracyi turmy» (č. 2 art. 411 KK).
10 krasavika 2023 hoda palitviaźniu pryznačyli adzin hod kałonii ŭ dadatak da 15 hadoŭ źniavoleńnia. Praz paŭhoda jaho ŭ druhi raz asudzili pavodle art. 411 KK. Ale vynik suda nieviadomy.
Ciapier stała viadoma, što 5 vieraśnia ŭ sudzie Mazyrskaha rajona Uładzimira buduć sudzić užo treci raz za «niepadparadkavańnie». Sudździom pryznačany Anatol Strelčanka.
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak30
Kamientary