Mahčyma, jon budzie taksama efiektyŭny dla pazbaŭleńnia ad pierchaci i praduchileńnia źjaŭleńnia marščyn. Što za jon?
Pra adkryćcio novaha srodku dla baraćby z akne zajavili kitajskija vučonyja z Centralna-paŭdniovaha ŭniviersiteta lasnoj haspadarki i technałohij. Jak adznačajecca ŭ artykule, apublikavanym u Journal of Dermatologic Science and Cosmetic Technology, im źjaŭlajecca bambukavy vocat.
Bambukavy vocat ujaŭlaje saboju kancentravanuju vadkaść, jakaja atrymlivajecca z bambuku z dapamohaj vysokatempieraturnaha anaerobnaha pracesu. Jon utrymlivaje zvyš 200 arhaničnych spałučeńniaŭ, asnoŭnym ź jakich jość vocatnaja kisłata.
Navukoŭcy vyvučyli bambukavy vocat u kantekście jaho prymianieńnia ŭ kaśmietycy. Dla hetaha jaho ačyścili šlacham dystylacyi pry panižanym cisku, što pavysiła ŭtrymańnie arhaničnych kisłot, źniziła ŭtrymańnie smoł i ŭzmacniła aktyŭnyja inhredyjenty, minimizavaŭšy pry hetym škodnyja kampanienty.
Dla absorbcyi byŭ vykarystany aktyvavany bambukavy vuhal. Heta dazvoliła dabicca pavolnaha vyzvaleńnia aktyŭnych kampanientaŭ na praciahu dastatkova doŭhaha času (zvyš dźviuch hadzin), što dazvalaje źmienšyć razdražnieńnie skury i ŭzmacnić bakteryjastatyčny efiekt (zdolnaść padaŭlać rost i razmnažeńnie bakteryj).
Praviedzienyja nastupnyja vyprabavańni pakazali, što ačyščany bambukavy vocat moža być pierśpiektyŭnaj syravinaj dla kaśmietyčnych sastavaŭ suprać Propionibacterium acnes, klučavoha mikraarhanizmu, jaki vyklikaje aknie.
Aŭtary adznačajuć, što vyniki ich daśledavańnia ŭjaŭlajuć saboj novy padychod da stvareńnia kaśmietyčnych srodkaŭ suprać vuhrystaj vysypki i zakładajuć asnovu dla dalejšych daśledavańniaŭ.
Tak, vučonyja płanujuć vyvučyć dadatkovyja kaśmietyčnyja pieravahi bambukavaha vocatu, takija, jak jaho zdolnaść zmahacca ź pierchaćciu, a taksama supraćmarščynny efiekt.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary