Ultrapravaja partyja «Alternatyva dla Hiermanii» ŭpieršyniu lidziruje na rehijanalnych vybarach
Ultrapravaja partyja «Alternatyva dla Hiermanii» lidziruje na vybarach u parłamient uschodniaj ziamli Ciurynhija, śviedčać papiarednija danyja ekzitpołaŭ.
Vyniki rehijanalnych vybaraŭ dla partyi «Alternatyva dla Hiermanii». Fota: AfD
Pavodle apytańniaŭ viaščalnaj kampanii ARD, apublikavanych paśla zakryćcia vybarčych učastkaŭ, AdH nabiraje 30,5% hałasoŭ, apiaredžvajučy kansiervatyŭny Chryścijanska-demakratyčny sajuz (CHDS) na šeść punktaŭ.
Kali ličby paćvierdziacca, heta budzie pieršaja pieramoha ultrapravych na miascovych vybarach z Druhoj suśvietnaj vajny, adznačaje Bi-bi-si.
U Saksonii «Alternatyva dla Hiermanii», pavodle papiarednich źviestak, trochi adstaje ad CHDS.
Pa danych ekzitpoła ARD, tam CHDS nabiraje 31,5% hałasoŭ, AdH — 30%.
Kamientary
Vklučajtie mozhi.