Prezident Tajvania prapanavaŭ Kitaju adabrać u Rasii ziemli na Dalokim Uschodzie
Kali Kitaj choča adnavić terytaryjalnuju cełasnaść, jamu niedastatkova anieksavać Tajvań — jon taksama pavinien zapatrabavać ad Rasii svaje «histaryčnyja» ziemli na Dalokim Uschodzie, zajaviŭ prezident Tajvania Łaj Cynde ŭ intervju tajvańskim ŚMI, piša Reuters.
«Čamu b nie viarnuć akupavanyja Rasijaj ziemli, jakija byli padpisanyja pavodle Ajhunskaj damovy? Rasija ciapier znachodzicca ŭ samym słabym stanoviščy», — skazaŭ Łaj Cynde.
Adnak, pavodle jaho słoŭ, Kitaj nie robić hetaha, zatoje praciahvaje pahražać anieksijaj Tajvaniu. Tajvański prezident patłumačyŭ heta tym, što Piekin damahajecca nie terytaryjalnaj cełasnaści, a «hiehiemonii na mižnarodnaj arenie, u zachodniaj častcy Cichaha akijana». Z dapamohaj cisku na Tajvań Piekin imkniecca źmianić zasnavany na praviłach mižnarodny paradak, zrabiŭ vysnovu Łaj Cinde.
Zhodna z Ajhunskaj damovaj, jakuju ŭ 1858 hodzie zaklučyli Rasijskaja Impieryja i mańčžurskaja Impieryja Cyn, ruska-cynskaja miaža prajšła pa race Amur. U 1860 hodzie dakumient byŭ istotna pašyrany Piekinskaj damovaj. Za košt hetych pahadnieńniaŭ Rasija atrymała sučasnyja Amurskuju vobłaść, a taksama Chabaraŭski i Prymorski krai. U Kitai abiedźvie hetyja damovy ličacca «nieraŭnapraŭnymi», pakolki jany byli padpisanyja pad mocnym ciskam u pieryjad zaniapadu kitajskaj dynastyi Cyn, opiumnych vojnaŭ i paŭstańnia tajpinaŭ.
Niešta nie sychodzicca: Kitaj moža chłusić śvietu pra svoj realny vajskovy biudžet
Voś čamu ŭ Kitai mohuć prysłuchoŭvacca da Polščy
Kitaj pabudavaŭ dziela čahości ŭ pustyni kopiju ŭradavaha rajona stalicy Tajvania
Nie Zachad, a Kitaj ujaŭlaje saboj siońnia najbolšuju pahrozu ekanomicy Rasii. I pryčyna tut — sonca i viecier
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram11
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary