U Čadzie zatrymali hramadzianina Biełarusi razam z rasijanami, paviedamlaje MZS Rasii.
«19 i 21 vieraśnia ŭ Ndžamienie ŭładami Respubliki Čad byli zatrymanyja troje hramadzian Rasii — Šuhalej M.A., Suejfan S. Chasan Ali, Caroŭ Je.I. i hramadzianin Biełarusi Dzienisievič A.A.», — havorycca ŭ paviedamleńni ministerstva.
Pieršymi byli zatrymanyja Maksim Šuhalej i Samier Suejfan, jakich rasijskaja prapahanda nazyvaje rasijskimi sacyjołahami.
Praz dva dni zatrymanyja byli jašče dva čałavieki — rasiejec Caroŭ Je.I. i hramadzianin Biełarusi Dzienisievič A.A. (ich poŭnyja imiony MZS nie nazyvaje).
«Kamsamolskaja praŭda» sa spasyłkaj na krynicu paviedamlaje, što «Šuhalej adpraviŭsia ŭ Ndžamienu dla ŭdziełu ŭ adkryćci Ruskaha doma».
Šuhalej i Suejfan nie pieršy raz akazvajucca ŭ takoj situacyi. Z traŭnia 2019 hoda jany ŭtrymlivalisia ŭ livijskaj turmie pa padazreńni va ŭmiašańni ŭ miascovyja vybary. Jak pisaŭ Bloomberg, jany sprabavali arhanizavać sustreču z synam byłoha lidara krainy Muamara Kadafi Siejfam al-Isłamam, jaki ličycca patencyjnym kandydatam na pasadu prezidenta Livii. Na toj momant jany byli supracoŭnikami Fondu abarony nacyjanalnych kaštoŭnaściaŭ, źviazanaha ź Jaŭhienam Pryhožynym. Šuhaleja i Suejfana vyzvalili ź livijskaj turmy ŭ śniežni 2020 hoda, piša RBK.
Proźvišča Dzienisieviča ŭ kantekście biełaruska-afrykanskich suviaziaŭ sustrakajecca, naprykład, u navinach pra nabližanaha da Alaksandra Łukašenki biznesmiena Alaksandra Zinhmana, jaki ličycca klučavoj fihuraj u adnosinach Biełarusi i Zimbambvie. Žonku Zinhmana zvać Lizavieta Dzienisievič, piša «Lusterka».
-
U minskim parku Čaviesa dva dni budzie pracavać zipłajn — reč sa spuskam na šalonaj chutkaści
-
Łukašenka zahadaŭ, kab byłych siłavikoŭ, ratavalnikaŭ i dypłamataŭ, zvolnienych «pa dyskredytujučych», adsočvali piać hadoŭ
-
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram2
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary