Taresa Sobal pavinna vyzvalić Dom Polski ŭ Iviancy
Pierad pačatkam sudovaha pasiadžeńnia aktyvistaŭ niepryznavanaha Sajuza palakaŭ znoŭ masava začyścili - jany jechali ŭ sud u Vałožyn. Anžaliku Borys zatrymlivali siońnia ažno trojčy.
Aktyvistaŭ niepryznavanaha Sajuza palakaŭ znoŭ masava začyścili - jany jechali ŭ sud Vałožyna, kab padtrymać kiraŭnika Ivianieckaj arhanizacyi SPB Taresu Sobal. Anžaliku Borys zatrymlivali siońnia ažno trojčy.
16:26
Sud zadavoliŭ pazoŭ Buračeŭskaha i abaviazaŭ Taresu Sobal i jaje prychilnikaŭ vyzvalić Dom Polski ŭ Iviancy.
Ludzi, što sabralisia la suda, skandujuć «My pieramožam». Milicyja pačynaje adhaniać ludziej ad bramy suda. Źjavilisia šmat "havaraščych kurtak".
Anžalika Borys: «Heta biasspraŭna, heta pravavoje biaźmiežža».
Advakat Halijeŭ kaža, što rašeńnie niezakonnaje: «My budziem padavać pratest, dla hetaha jość 10 dzion»
16:03
Usie chadajnictvy abarony adchilenyja. Sud uziaŭ pierapynak na 15 chvilin.
15:41
Aktyvist SPB Edvard Dźmuchoŭski paviedamiŭ, što siońnia ŭ Horadni a 16-j zapłanavanaja akcyja ŭ padtrymku siabraŭ SPB Andreja Pačobuta, Ihara Bancara i Miečysłava Jaskieviča, jaki adbyvajuć administracyjny aryšt.
Prapanujecca zładzić malebien la ścien RUUSa na vulicy Haja (Horadnia).
15:10
Konsuł pryvioŭ Anžaliku Borys da budynka suda, ale ich nie puskajuć u budynak, maŭlaŭ, prajšło 40 chvilin suda i jany spaźnilisia.
15:06
Konsuł pajšoŭ vyzvalać Borys, u sudzie prysutničaje jašče adzin konsuł, pradstaŭniki ambasady Polščy, a taksama try čalcy ivianieckaha Sajuza palakaŭ, jość taksama pradstaŭniki dziaržaŭnych telekanałaŭ.
14:50
Z zali suda vyjšaŭ polski konsuł Marek Novak i paviedamiŭ, što na pasiedžańni zastalisia tolki Taresa Sobal z advakatam Halijevym, śviedki z boku staršyni praŭładnaha Sajuza Siamaški. Z zali vydalili dziaržaŭnych žurnalistaŭ. Konsuł nakiravaŭsia ŭ Vałožynski RUUS. Pa jaho źviestkach, tudy tolki što pryvieźli Borys.
***
14:45
Kala suda sabrałasia kala 20 čałaviek. U siaredzinu nikoha nie puskajuć. Prajšli tolki supracoŭniki dziaržaŭnych telekanałaŭ. Šmat milicyjantaŭ. Kałarytnych supracoŭnikach ŽKH nie nazirajecca.
14:35
Na ŭskrajku horada mašynu Halijeva spynili supracoŭniki DAI. Jak paźniej raskazała Borys, daišniki skazali, kali jana nie vyjdzie - advakat na sud nie trapić. Staršynia SPB dobraachvotna vyjšła z mašyny. Halijeva adpuścili.
Praź niekalki krokaŭ Anžaliku Borys zatrymali čaćviora mardavarotaŭ, jakija vybiehli ź biełaha busa ź minskimi numarami. Staršyniu niepryznanaha Sajuza palakaŭ siłaj zaciahnuli ŭ aŭtobus i pavieźli za horad. Fotakoram Julii Daraškievič i Siarhieju Hrycu nieviadomyja pieraškadžali pry hetym zdymać, sprabavali adabrać kamiery.
***
Pravieryli dakumienty ŭ advakata Alaksandra Halijeva. Ciapier jon kirujecca na svaim aŭto ŭ Vałožyn. Ź im jedzie A. Borys. U rešty zatrymanych praviarajuć dakumienty i pakrysie adpuskajuć, praŭda biez aŭto. Ludzi iduć u horad pieššu, heta niekalki kiłamietraŭ.
***
14:10
Zatrymany jašče adzin aŭtamabil z aktyvistami SPB, jaki taksama nie prapuskajuć u horad. Usiaho tut pierad Vałožynam zatrymanyja siem čałaviek.
Mašyny siabraŭ SPB kantralujuć na ujeździe ŭ horad try mašyny DAI.
Siabram Sajuza palakaŭ kažuć, što jany padazrajucca ŭ roznych złačynstvach, a mašyny ŭhnanyja.
«Intelektualnuju» padtrymku miascovym daišnikam akazvaje namieśnik načalnika Vałožynskaha RUUS.
U samim Vałožynie zatrymanyja jašče vosiem čalcoŭ sajuzu, piać čałaviek zatrymanyja pad Horadniaj.
Usiaho siońnia zatrymali minimum 20 čałaviek.
***
Aktyvisty arhanizacyi nakiroŭvalisia ŭ sud Vałožynskaha rajona (Minskaja vobłaść), kab padtrymać kiraŭnika Ivianieckaj arhanizacyi SPB Taresu Sobal.
Borys sprabujuć adpravić u pastarunak milicyi, žančyna rezka pratestuje i patrabuje advakata.
Raniej Anžalika Borys była zatrymana razam z kiroŭcam aŭtamabila była zatrymanaja ŭ rajonie Lidy, ale potym mašynu prapuścili.
***
Heta ŭžo druhoje za apošnija try dni masavaje zatrymańnie aktyvistaŭ nieaficyjnaha SPB. 15 lutaha ŭ roznych haradach Biełarusi byli zatrymany pryblizna 40 aktyvistaŭ i kiraŭnikoŭ arhanizacyi. Za praviadzieńnie niesankcyjanavaha mitynhu ŭ Hrodnie 10 lutaha Anžalika Borys była aštrafavana na 30 bazavych vieličyń (1 młn. 50 tys. rubloŭ), Andrej Pačobut, Ihar Bancar i Miečysłaŭ Jaskievič — asudžany na piać sutak aryštu.
Siońnia ŭ 14.30 u sudzie Vałožynskaha rajona pavinna pačacca papiaredniaje pasiadžeńnie pa hramadzianskaj spravie lidera Ivianieckaj arhanizacyi nieaficyjnaha SPB Taresy Sobal.
Jana abvinavačvajecca ŭ zachopie Doma polskaha ŭ Iviancy. Pazoŭ u dačynieńni da Sobal padaŭ staršynia aficyjnaha SPB Stanisłaŭ Siamaška.
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary