Pałac hramadzianskich abradaŭ Hałoŭnaha ŭpraŭleńnia justycyi Minharvykankama časova budzie pracavać pa inšym adrasie.
Zahs na Kamunistyčnaj, 8, časova budzie prymać maładych u budynku haścinicy «Viktoryja» pa adrasie pr. Pieramožcaŭ, 59a, piša Tochka.by.
«Niahledziačy na źmienu łakacyi, my pastaralisia zabiaśpiečyć kamfort dla našych haściej. Uračystaja zała abstalavana ŭsim nieabchodnym, cyrymonii prachodziać na raniejšym vysokim uzroŭni. My starajemsia padtrymlivać atmaśfieru ŭtulnaści i śviatočnaści», — patłumačyła Julija Kočyna.
Vonkava łakacyja la Kamsamolskaha voziera ničym nie sastupaje papiaredniaj — kala Parku Horkaha. Tut pryhožaja, malaŭničaja terytoryja, što dadaje ramantyki cyrymonijam.
«Nie varta chvalavacca, što da nas ciažka trapić. My adkrytyja dla ŭsich. Možna pryjści na kansultacyju abo patelefanavać dla ŭdakładnieńnia infarmacyi», — adznačyła kiraŭnik zahsa.
Kali ŭsio vierniecca na svaje miescy, pakul nieviadoma.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary