Urad Rasii pryniaŭ rašeńnie ab zhortvańni dziejnaści šmatmiljardnaha prajektu «Vialikaj rasijskaj encykłapiedyi», jakaja była stvorana pa zamovie Uładzimira Pucina i jakoj toj jašče da vajny prarakaŭ ambicyjnuju budučyniu «zabojcy Vikipiedyi». Voś jak tłumačyć zakryćcio encykłapiedyi Kreml i nakolki adroźnivajecca jahonaja viersija ad viersii supracoŭnikaŭ prajekta.
Jak paviedamlaje RBK, va ŭradzie Rasii pryniali rašeńnie ab pačatku likvidacyi Aŭtanomnaj niekamiercyjnaj arhanizacyi «Vialikaja rasijskaja encykłapiedyja» (ANA «VRE»), jakaja była stvorana ŭ 2019 hodzie pa zamovie prezidenta Rasii Uładzimira Pucina i jakaja, pavodle dziaržaŭnych miedyja, była pavinna stać «zabojcaj Vikipiedyi» na rasijskim rynku.
Aficyjnaj pryčynaj zakryćcia prajektu, na jaki było vydatkavana kala 2 miljardaŭ rasijskich rubloŭ (kala $21 miljona pa ciapierašnim kursie), nazyvajecca «ŭzmacnieńnie kankurentnych pieravah» internet-encykłapiedyi «Ruviki» (jašče adnaho rasijskaha anałaha Vikipiedyi — «NN») i «pieradača joj usich napracavanych materyjałaŭ».
Ale hałoŭnaj pryčynaj zakryćcia, jak adznačajuć supracoŭniki «VRE», źjaŭlajecca adsutnaść finansavańnia, jakoje idzie ź biudžetu krainy. Tak, zarobki kamandzie prajekta nie naličvajucca jašče sa śniežnia 2023 hoda.
Pavodle rasijskich miedyja, usiaho ŭ Rasii było pradpryniata minimum 7 sprob stvaryć paŭnavartasny anałah Vikipiedyi za biudžetny košt. Usie jany paciarpieli niaŭdaču.
Adkazny redaktar «VRE» Siarhiej Kraviec paćvierdziŭ vydańniu najaŭnaść prablem ź finansavańniem i vypłatami zarobkaŭ. Pa jahonych słovach, «ź minułaha hodu nie było ni zarobku, ni hanararaŭ aŭtaram, ni apłaty ŽKH, ni padatkovych adličeńniaŭ».
Za ŭvieś čas pracy «VRE» było padrychtavana 98 tysiač roznych artykułaŭ i materyjałaŭ, ale ź ich tolki pałova była apublikavanaja na partale «Vialikaj rasijskaj encykłapiedyi».
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary