Biełaruskija i rasijskija aktyvy vytvorcy Dove i Rexona pierajšli da vytvorcy «Dychłafosa»
Biznes transnacyjanalnaha vytvorcy kaśmietyčnaj pradukcyi i bytavoj chimii Unilever u Rasii, a taksama ŭ Biełarusi pierachodzić hrupie «Arnest» Alaksieja Sahała. Pra heta piša «Kommiersant'».
Pra toje, što rasijski biźnies Unilever kuplaje vytvorca kaśmietyki i bytavoj chimii «Arnest», stała viadoma ŭ pačatku vieraśnia. Kampanija, siarod inšaha, vypuskaje srodak dla baraćby z nasiakomymi «Dychłafos», łak dla vałasoŭ «Prielesť».
Ciapier stała viadoma, što ŭ ździełku ŭvachodziać i aktyvy ŭ Biełarusi. Ab zakryćci ździełki baki aficyjna paviedamili 10 kastryčnika.
U Unilever u Biełarusi z 2008 hoda dziejničaje jurydyčnaja asoba ŭ śfiery handlu «Junilevier Ruś». Praca biełaruskaha ofisa znachodziłasia ŭ apieratyŭnym kiravańni rasijskaha filijała kampanii.
Choć aficyjna suma ździełki nie nazyvałasia, «Kommiersant'» adznačaŭ, što ŭrad uzhadniŭ jaje z ulikam dyskontu ŭ miežach 35−40 młrd rasijskich rubloŭ, abo kala $390−445 młn.
Unilever pracavaŭ u Rasii z 1990-ch hadoŭ. Kampanija vypuskaje na miascovym rynku kaśmietyčnuju pradukcyju pad brendami Dove, «Barchatnyja ručki», «Čystaja linija», «Čorny žemčuh», Axe i Rexona. Jaje vyručka za 2023 hod skłała kala $690 młn, a čysty prybytak — amal $55 młn.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?13
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2121
Kamientary