Zaćvierdzili aficyjnuju nazvu 112‑ha elemienta tablicy Miendzialejeva
Mižnarodny sajuz čystaj i prykładnoj chimii (IJUPAK) zaćvierdziŭ aficyjnuju nazvu dla 112‑ha elemienta tablicy Miendzialejeva — kapiernicyj (Copernicium).
Takoje najmieńnie prapanavali ŭ lipieni 2009 hoda fiziki ź niamieckaha Instytuta ciažkich ionaŭ u Darmštacie.
IJUPAK abviaściŭ, što novy elemient nazvany ŭ honar Mikałaja Kapiernika, jaki adkryŭ, što Ziamla krucicca vakoł Sonca. Da ciapierašniaha času 112‑y elemient nazyvali ununbijem, abo eka‑rtućciu.
Kapiernicyj — samy ciažki z aficyjna pryznanych elemientaŭ. Jon byŭ upieršyniu sintezavany ŭ lutym 1996 hoda na paskaralniku ciažkich ionaŭ u Instytucie ciažkich ionaŭ u Darmštacie.
Usie elemienty ciažej za 92‑hi, uran, nie sustrakajucca ŭ pryrodzie.
Dla ich atrymańnia vykarystoŭvajucca paskaralnik elemientarnych čaścic. Rasijskimi navukoŭcami ŭ Dubnie byli atrymanyja elemienty z numarami 113‑116 i 118, adnak aficyjna jany pakul nie pryznanyja.
Supracoŭniki niamieckaha Instytuta ciažkich ionaŭ ŭžo nie jeršy raz vybirajuć imiony dla chimičnych elemientaŭ — dziakujučy im u tablicy Miendzialejeva źjavilisia boryj, chasij, miejtnieryj, darmštacyj i rienthienij.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?85
Kamientary