14-hadovuju hrodzienskuju školnicu asudzili na 10 hadoŭ kałonii za adzin hram narkotykaŭ
Čatyrnaccacihadovuju školnicu z Hrodna, jakuju zatrymali na zakładkach narkotyka, asudzili na 10 hadoŭ kałonii, paviedamlaje «Biełaruś 4». Zajmałasia školnica hetym, adznačajecca ŭ siužecie, niadoŭha.
Pavodle pamočnicy prakurora Darji Pačobut, školnica «ŭ składzie arhanizavanaj hrupy ažyćciaŭlała niezakonny abarot asabliva niebiaśpiečnaha psichatropnaha rečyva 4-SMS vahoj kala adnaho hrama».
Pamočnica prakurora dadała, što školnica zajmałasia raspaŭsiudam narkotykaŭ «na praciahu karotkaha času», bolš kankretna jana nie ŭdakładniła.
Sud pryznačyŭ školnicy 10 hadoŭ pazbaŭleńnia voli ŭ vychavaŭčaj kałonii, pryznaŭšy jaje vinavataj pavodle č. 4 art. 328 Kryminalnaha kodeksu (niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ, učynieny arhanizavanaj hrupaj).
Pavodle načalnicy inśpiekcyi pa spravach niepaŭnaletnich Kastryčnickaha RAUS Hrodna Dyjany Aleščyk, padletki znachodzili abjavy pra nielehalny zarobak u siecivie. Ź imi źviazvaŭsia kuratar i kazaŭ rasfasoŭvać i daručaŭ raspaŭsiudžvać narkotyki, robiačy zakładki.
Usie padletki z paśpiachovych siemjaŭ, sami narkotyki nie ŭžyvali, u pole zroku milicyi raniej nie traplali, dadaje Aleščyk.
Kolkaść zatrymanych padletkaŭ jana nie nazvała, ale adznačyła, što ŭsim im pahražajuć terminy ad 10 hadoŭ zaniavoleńnia.
Kryminalnaja adkaznaść u Biełarusi nadychodzić z 16 hadoŭ, ale za šerah ciažkich złačynstvaŭ, u tym liku za narkotyki, padletkaŭ mohuć pryciahnuć da adkaznaści z 14 hadoŭ.
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary