U Rasii rezka pavialičyłasia kolkaść zhvałtavańniaŭ. Viarnulisia z frontu kryminalniki
U Rasii, na fonie viartańnia kryminalnikaŭ z ukrainskaha frontu, na praciahu apošniaha hoda rezka pavialičyłasia kolkaść asudžanych pa artykułach, źviazanych sa złačynstvami suprać pałavoj niedatykalnaści, paviedamlaje telehram-kanał «Možiem objaśniť» sa spasyłkaj na danyja Sudovaha departamienta pry Viarchoŭnym Sudzie RF.
Asabliva prykmietny rost asudžanych pa artykule ab hvałtoŭnych dziejańniach seksualnaha charaktaru, učynienych pry abciažarvalnych abstavinach (č.2 art. 132 KK RF).
Kolkaść asudžanych pa hetym artykule pavialičyłasia bolš čym napałovu (na 51%). Kali za pieršaje paŭhodździe 2023 hoda pa č. 2 art. 132 da adkaznaści byli pryciahnutyja 97 čałaviek, to ŭ 2024 hodzie za toj ža pieryjad — užo 147.
Da abciažarvalnych abstavin adnosiacca złačynstvy, učynienyja hrupaj asob, z pahrozaj zabojstva, z pryčynieńniem ciažkaj škody zdaroŭju abo jakija vyklikali zaražeńnie vienieryčnaj chvarobaj, adznačaje vydańnie.
Jašče bolš istotny rost nazirajecca pa samaj ciažkaj častcy hetaha artykuła (č. 5 art. 132). Pa joj sudziać hvałtaŭnikoŭ-recydyvistaŭ, a taksama za hvałtoŭnyja dziejańni ŭ dačynieńni da niepaŭnaletnich. Tut rost skłaŭ 77,4% — z 71 da 126 asudžanych.
Pa artykule ab zhvałtavańni pry asabliva abciažarvalnych abstavinach (č. 3 art. 131) pryrost skłaŭ 17,3% — 144 čałavieki suprać 169.
Na pavieličeńnie kolkaści zhvałtavańniaŭ i inšych ciažkich złačynstvaŭ u Rasii ŭpłyvaje viartańnie z frontu kryminalnikaŭ, pamiłavanych Pucinym za ŭdzieł u vajnie suprać Ukrainy. Pavodle danych Bi-bi-si i «Miedyjazony», bolš za 31 tysiaču złačyncaŭ byli vyzvalenyja za ŭdzieł u kanflikcie ŭ składzie tolki PVK «Vahnier». Pry hetym jość i inšyja padobnyja padraździaleńni, danyja jakich u daśledavańni nie ŭličvalisia.
U Rasii vahnieraviec zabiŭ dvuch čałaviek, pajšoŭ na vajnu, viarnuŭsia i napaŭ z nažom na žančynu. Ale sudzić jaho nie buduć
U Piermskim krai zabili 27-hadovuju dziaŭčynu i jaje 7-hadovuju dačku. U zabojstvie padazrajecca bajec PVK «Vahnier»
«50 tysiač pamiłavanych hałavarezaŭ». U Rasii amal pałova zekaŭ, jakija viarnulisia z vajny, viartajecca za kraty, dzie ich znoŭ viarbujuć
Ciapier čytajuć
U Francyi ad śpioki zahinuŭ dalnabojščyk z Dokšycaŭ6
Kamientary