Z mahiloŭskaj turmy ŭ kastryčniku vyzvaliŭsia 42-hadovy minski złodziej u zakonie Pavieł Alaksiajevič, bolš viadomy ŭ kryminalnym asiarodździ jak Paštet. Pra heta paviedamiŭ sajt «Prajm Krajm», jaki śpiecyjalizujecca na kryminalnaj tematycy.
Hetym razam kryminalny aŭtarytet siadzieŭ «usiaho» try hady, a pasadzili jaho za chulihanstva. Ahułam ža turemny staž Pašteta dasiahnuŭ užo 20 hadoŭ.
U kancy žniŭnia 2021 hoda čaćviora prychilnikaŭ kryminalnaha aŭtaryteta ŭ Barysavie źbili 40-hadovaha mužčynu. Žorstki napad byŭ ździejśnieny kala ŭvachodu ŭ hipiermarkiet, na vačach naviedvalnikaŭ i rabotnikaŭ handlovaha abjekta. Nieŭzabavie paśla taho Paštet byŭ aryštavany i trapiŭ pad sud.
Usiaho ž za svajo 42-hadovaje žyćcio Pavieł Alaksiajevič sudziŭsia šeść razoŭ, uklučajučy dva terminy pa prysudach rasijskich sudoŭ, kali ŭžo značyŭsia ŭ kryminalnaj ijerarchii złodziejem u zakonie.
Ciapier Alaksiajevič nibyta žyvie ŭ Minsku, jamu ŭstanavili nahlad terminam na 1 hod.
Vidać, jon staŭ druhim złodziejem u zakonie, jaki žyvie na terytoryi Biełarusi. Pieršy — heta Alaksandr Miadźviedzieŭ pa mianušcy Miedźviažonak, kali toj jašče nie vyjechaŭ za miažu. Pra jaho načalnik HUBAZiKa Andrej Ananienka ŭ sakaviku 2024 hoda havaryŭ, što toj «razumieje, što ŭ vypadku parušeńnia peŭnych čyrvonych linij jon znoŭ chutka vierniecca za kraty».
Uvohule ž hałoŭny hubazikaviec tady kazaŭ, što pad pilnaj uvahaj jahonych supracoŭnikaŭ zastavalisia šeść «złodziejaŭ u zakonie», troje ź jakich adbyvali pakarańnie ŭ miescach źniavoleńnia. Pry hetym dvoje byli vymušanyja vyjechać za miežy Biełarusi, tamu što, maŭlaŭ, «im było niekamfortna tut znachodzicca z pryčyny pravodzimych nami prafiłaktyčnych mierapryjemstvaŭ».
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?21
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2020
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama20
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary
Razam z kamisarami čk- nkvd źjaviliś i hetyja kab kantralavać vialiki łahier i za drotam taksama...
Źviarnicie uvahu jak zdaryłaś skłałaś balšynia ziemlaki DžuhašviliUrickahaMiechlisa ..i dahetul
Usie hetyja paniaćcia dźla padletkaŭ sovintelechiencyi ....UtiesaVsockijaraziembaŭmy kruh sovrusšanson turmama
Ab ščylna- płotnam supracoŭnictvie hetych i mus čk nkvd khb daviedaliś jaščie pad čas hałosnaści.
Sacyjalna blizkija jak ich jaščie Trocki Uricki abazvali