Zbornaja hodna biłasia z supiernikam na praciahu troch pieryjadaŭ i oviertajma, ale sastupiła ŭ sieryi bulitaŭ.
Biełarusy i šviejcarcy zmahalisia za vychad u čverćfinał Alimpijady. Pierad Hulniami ŭ Vankuviery supierniki syhrali dvojčy, abmianiaŭšysia pieramohami.
Matč pryjemna pačaŭsia dla biełarusaŭ. Užo na 59‑aj siekundzie Alaksiej Kalužny zmoh prapichać šajbu miž ščytkami šviejcarskaha varatara.
Arbitr pajšoŭ hladzieć videapaŭtor, ale nijakaj kramoły ŭ dziejańniach našaha napadajučaha nie pabačyŭ — 1:0.
Paśla hetaha šviejcarcy stabilna zavałodali inicyjatyvaj. I na 13‑aj chvilinie Šprunhier zmoh skarystacca kolkasnaj pieravahaj (byŭ vydaleny ŭsio toj ža Kalužny). Pa tenisnamu padstaviŭšy klušku na piatačku — 1:1.
U druhim pieryjadzie Daminikieli zmoh vyvieści supiernikaŭ napierad — 1:2. I znoŭ šviejcarcy zakinuli, kali hulali «piać na čatyry».
Da honaru našych chłopcaŭ jany nie raskiśli. A na 36‑aj chvilinie syn hałoŭnaha treniera Michaiła Zacharava Kanstancin udała syhraŭ na dabivańni — 2:2.
U trecim pieryjadzie i oviertajmie zakinutych šajbaŭ nie było, chacia adznačycca mahli abiedźvie kamandy. Usio pavinna było vyrašycca ŭ sieryi paślamatčavych bulitaŭ.
Derun i Lem svaje sproby realizavali. A voś Aleh Antonienka nie zmoh pierajhrać varatara supiernika. Dzimitry Mialeška i Andrej Miezin zmahli adradzić intryhu.
Usio vyrašałasia ŭ kidku Siarhieja Kaścicyna. Forvard «Manreal Kanadyjans» tak i nie vyrašyŭ, što ž kankretna rabić z šajbaj. Kinuć tak i nie atrymałasia, abyhrać varatara taksama — 2:3.
U čverćfinale Šviejcaryja sustreniecca sa zbornaj ZŠA. A biełarusy vymušany pakidać alimpijski turnir.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1919
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?19
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary