Pradstaŭnica hrupy žančyn, jakija zmahajucca za pravy blizkich, damahłasia admieny prysudu mužu
Viarchoŭny sud z‑za niedakazanaści viny 23 lutaha admianiŭ pryhavor i spyniŭ kryminalnuju spravu ŭ dačynieńni da žychara Babrujska Alaksandra Kavalenki.
Kavalenka paviedamiŭ, što 19 kastryčnika 2006 hoda byŭ zatrymany pavodle padazreńnia ŭ raspaŭsiudžvańni narkotykaŭ i 16 sakavika 2007 hoda sudom horada Babrujska i Babrujskaha rajona
asudžany na dzieviać hadoŭ kałonii ŭzmocnienaha režymu z kanfiskacyjaj majomaści.
Na dumku Kavalenki, sprava suprać jaho była sfabrykavana paśla taho, jak jon uźniaŭsia na abaronu svajho adzinaha syna, asudžanaha ŭ studzieni 2005 hoda Mahiloŭskim abłasnym sudom za zabojstva na 25 hadoŭ pazbaŭleńnia voli. «My z žonkaj ličym, što syn asudžany niezakonna, bo ŭ materyjałach spravy jość supiarečnaści, jakija da hetaha času nie ŭstaronieny čynoŭnikami suda i prakuratury», — skazaŭ Kavalenka.
Pavodle jaho słoŭ,
z momantu zatrymańnia jon staŭ zmahacca za svajo vyzvaleńnie pry aktyŭnaj dapamozie žonki i padtrymcy hrupy žančyn, jakija paciarpieli ad asabliva ciažkich złačynstvaŭ,
nie zhodny z rašeńniami sudoŭ pa svaich hramadzianskich spravach i kryminalnych spravach svaich blizkich.
«Vynikam hetaj baraćby stali čatyry pierahlady spravy.
Ja admoviŭsia ad umoŭna‑daterminovaha vyzvaleńnia, a termin majho pakarańnia źmienšyŭsia ź dzieviaci hadoŭ
da troch hadoŭ i dvuch miesiacaŭ.
Hety termin całkam adpaviadaŭ času majho znachodžańnia ŭ źniavoleńni», — adznačyŭ Kavalenka.
Niezadoŭha da vyzvaleńnia Kavalenka abskardziŭ apošni pryhavor, i 23 lutaha Viarchoŭny sud zadavoliŭ jaho skarhu. Zaraz paciarpieły maje prava źviarnucca ŭ Mahiloŭski abłasny sud pa kampiensacyju maralnaha ŭronu.
U interv`iu BiełaPAN Valancina Kavalenka zajaviła:
«Ja viedała, što muž nievinavaty, ale jaho vyzvaleńnie zapatrabavała vielizarnych namahańniaŭ. Bo i na mianie sprabavali raspačać kryminalnuju spravu. I tolki padtrymka hrupy žančyn dapamahła mnie vystajać i damahčysia spraviadlivaści».
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk49
Kamientary